...bara svona okkar á milli :)

2009-05-09T10:11:00.005+02:00

jæja.. bara kominn maí og rúmlega það!!
er einhver sem kíkir hérna inn ennþá??

En það er allavega allt fínt að frétta úr kotinu :) Áttum yndislega páska á Jótlandi þar sem við tróðum í okkur dýrindis mat og nutum góða veðursins. Ég reyndi að lesa inn á milli máltíða - bæði hjá mér og Ísak! - Klaus spilaði við bræður sína og krakkana og Ísak hreinlega svaf af sér alla páskana! Hann var sko þvílíkt að fíla ferska sveitaloftið, fuglasönginn og svínaskítafíluna frá nágrönnunum :)

Þegar heim var komið tók við hundleiðinleg törn hjá mér. Strax eftir páskana hófst 72 tíma heimaverkefni og í vikunni á eftir var 4 tíma skriflegt próf. Klaus var í fríi og það hjálpaði heilmikið. Ísak var reyndar ekkert of samvinnuþýður.. hann hefur hreinlega fundið á sér að mamman var eitthvað taugaveikluð þessa daga. Hann svaf lítið á daginn og var sísvangur. Þar að auki minnkaði mjólkin mikið hjá mér, hreinlega út af stressi. Drengurinn var semsagt ekkert of kátur með mömmu sína þessa dagana. Hann fékk smá þurrmjólk með á meðan þessu stóð og svolgraði henni niður eins og ekkert væri. Þannig að það er óhætt að segja að einbeitingin hjá mér var alls ekki nógu góð enda gengu prófin alls ekkert nógu vel. Ég fæ nú bara aulahroll þegar ég rifja upp sumt sem ég skrifaði á síðustu stundu í þessu blessaða heimaprófi!!! En það verður nú einhver að skemmta kennaranum ekki satt??? Ef ég næ þessu þá verð ég voðalega heppin..en ég nenni ómögulega að vera með einhverja eftirsjá. Sjálfsagt hefði ég getað skipulagt mig betur og lesið meira eftir að Ísak fæddist.. og auðvitað er það fullmikil bjartsýni að halda að ég geti náð svona stórum kúrs án þessa að mæta í tímana.. EN ég ætla bara að búast við því versta og vona það besta!! :)

Lífið er allavega búið að vera voðalega ljúft eftir að þessu lauk :) Loksins alvöru fæðingarorlof!! Langir göngutúrar með vagninn, garðhittingar í góða veðrinum með Þórey og Óskar, hangið á kaffihúsinu hjá Klaus eða bara kúrað uppí rúmi með Ísak þegar það er kalt og blautt úti :) Ekki slæmt!

Brúðkaupsplönin mjakast áfram hægt og rólega.. það fer ekkert á milli mála hvernig forgangsröðin er á þessu heimili, við erum hvorki að pæla í fatnaði eða hringjum.. EN það er búið að redda fyrsta flokks espressóvél, kvörn og afbragðskaffibarþjónum!!! :) Þannig að þó við endum í gömlum lufsum og hringjalaus þá fáið þið alla vega fyrsta flokks kaffi!!! :)

Ísak stækkar ótrúlega hratt. Það er sko ekkert ponsaralegt við hann lengur enda er hann búin að tvöfalda fæðingarþyngd sína og vel rúmlega það. Var 5800grömm í 3ja mánaða skoðun. Hann er duglegur að hjala og brosa, og er meira að segja byrjaður að hlægja líka þegar virkilega vel liggur á honum. Ég reyni að setja inn nýjar myndir á síðuna hans á morgun eða hinn.

Að lokum langar mig að monta mig á Maj Britt vinkonu minni. Skvísan er nýbúin að verja mastersritgerðina sína í lögfræði og gerði það með glæsibrag :) Ég er ekkert smá stolt af henni. Það er ekkert smá afrek að eignast tvær dætur og afgreiða svona ritgerð á sama tíma. Þegar ég fer í að skrifa mína pínkupons BS ritgerð í haust, þá hugsa ég til þín Maj Britt mín!!! :) Enn og aftur til hamingju með þetta allt saman!

ta ta..

2009-03-22T15:26:00.006+01:00

Langt síðan síðast..

hmmm.. næstum mánuður liðinn frá síðustu færslu.. og ekki hægt að segja annað en að maður hafi um ýmislegt annað að hugsa en blogg þessa dagana. Héðan er bara fínt að frétta. Ísak stækkar hratt og örugglega :) Ég fór með hann í 5 vikna skoðun í þarsíðustu viku og þá var hann orðinn 4040gr! Erum ekkert smá ánægð með hann. Svo vildi læknirinn meina að hann væri orðinn 57 cm langur! Ég var nú ekki alveg sammála henni enda fannst mér hún mjög ónákvæm.. Þrjóska mamman strunsaði með drenginn heim og teygði úr honum eins og hægt var og rétt náði að mæla 55 cm ;) ekki það að þessir 2 cm skipti máli, þessi ónákvæmni fór bara eitthvað í taugarnar á hormónabrenglaðri mömmunni! ;)

Svo fengum við pabba og mömmu í heimsókn nýlega. Það var voðalega gott að fá þau hingað og Ísak leiddist sko ekki auka athyglin sem hann fékk á meðan dvölinni stóð. Ég sýndi þeim ýmis brjóstaþoku atriði og Ísak bræddi þau sundur og saman með brosum, hjali og prumpurembingum. Það er nú skrítið að vera að ganga í gegnum svona stóra upplifun svona langt frá fjölskyldu og vinum.. væri sko alvega til í að skjótast í smá heimsókn núna til Íslands og sýna pjakkinn ;) En það verður víst að bíða fram á sumar.. dæs..
Foreldrar Klaus komu líka á meðan þau voru hérna.. kominn tími til að foreldrar okkar beggja hittist svona rétt áður en við látum pússa okkur saman ;) Við komumst líka að því að við erum ekki beint vel græjuð til að halda 'stór'(við vorum nú bara sex) matarboð á þessu heimili! Ég tók það að mér að borða af kökudisk bæði kvöldin og Klaus drakk vín úr vatnsglasi.. vantar greinilega nokkur heimilshaldsgen í mann ;) við náðum nú samt að útvega okkur sex samstæða kaffibolla fyrir stuttu, sem er nú lagmark á þessu heimili en við höfðum nú ekki meira fyrir því en að kaupa þá á eigin kaffihúsi með Coffee Collective logoinu á ;)

En aftur að Ísak.. þó að það sé nú ekki meiningin að þetta blogg verði eintómt barnablaður.. þá eru margir búnir að spurja hverjum hann líkist eiginlega. Við vitum það varla sjálf en finnst hann mjög blandaður. Hann er nú augljóslega með háa ennið hans pabba síns og augun fær hann líka úr föðurfjölskyldunni, þá helst frá Rasmusi bróður Klaus. Svo viljum við meina að nefið og munnurinn komi frá mér og ef hann heldur áfram safna þessum bollukinnum þá er það pottþétt frá mér líka!! ;) Svo er hann kominn með lítið péturspor á hökuna sem hvorug fjölskyldan vill eigna sér! ;)
Ísak er farinn að brosa heilmikið og það er semsagt missjón vikunnar að ná því á mynd. Hér er til dæmis ein mjög misklukkuð tilraun, það vantar ekki bara brosið heldur hálsinn líka ;) Sunna frænka hefur nefnt að Ísak minni hana stundum á Nökkva hennar þegar hann var lítill. Ég er nú svolítið sammála henni, sérstaklega þegar Ísak er komin í gömul föt af Nökkva eins og hérna.. en sennilega er það nú bara rauðbirkna hárið (það litla sem eftir er) sem fær okkur til að líkja þeim saman:

Og svona er best að sofna eftir góða máltíð:

ta ta..

2009-02-25T20:10:00.002+01:00

Komnar nýjar myndir á heimasíðu Ísaks

Héðan er allt ágætt að frétta. Klaus fór aftur í vinnuna á föstudaginn var. Stutt vinnuvika sem betur fer og gott að komast í helgarfrí strax daginn eftir! ;-) En annars gengur bara vel hjá okkur Ísak hérna heima. Erum farin að skreppa í smá göngutúra og í gær skelltum við okkur á undan úrslit Danska Kaffibarþjónamótsins í Bella Center. Hann svaf þetta nú allt af sér en það var gaman að hitta gamla og góða kaffivini. Úrslitin voru í dag og Morten frá Sigfrieds Kaffebar í Árósum er nýr meistari.. hann notaði að sjálfsögðu kaffi frá The Coffee Collective! :-) Og ætlar að gera það líka þegar hann keppir á heimsmeistaramótinu í Atlanta í apríl. Við erum auðvitað voða stolt! :-)

En tíminn flýgur áfram. Ísak verður 3ja vikna á föstudaginn og þá kemur hjúkkan aftur í heimsókn. Það verður spennandi að sjá hvað hann er orðinn þungur. Hann er mjög duglegur að drekka og mjólkin flæðir um allt.. Ég er reyndar frekar sybbin eftir síðustu tvær nætur en ætla ekki að kvarta, hann er óttalega ljúfur þessi elska ;-)

2009-02-17T18:18:00.003+01:00

Ný myndasíða..

Er loksins búin að græja myndasíðu fyrir Ísak. Reyni að vera dugleg að setja inn myndir svo þið getið fylgst betur með. Setti inn tvö myndbönd líka en síðan býður reyndar ekki uppá mjög háa upplausn.. það er nú alveg hægt að horfa á þau samt ;-)
Annars gengur bara vel, litla matargatið stækkar ört og við reynum að njóta síðustu daganna hans Klaus í fæðingarorlofi ;-)

Sendið endilega email á siggadora@yahoo.com til að fá aðgangsorðið á síðuna.

sd

2009-02-12T13:43:00.004+01:00

Fæðingarsagan - Ísak Thomsen

Jamms, við erum búin að nefna hnoðrann okkar Ísak :) og ég vil byrja á því að þakka ykkur öllum fyrir yndislegar kveðjur síðustu vikuna í öllum formum; sms, fésbókin, símtöl og email. Æðislegt að heyra frá ykkur öllum en ég hef engan veginn getað svarað ykkur öllum. En nú langar mig að segja ykkur betur frá fæðingunni.

Ég vaknaði á miðvikudagsmorguninn 4.feb og tók fljótt eftir Því að ég var hrímlek. Vissi varla hvort ég væri hætt að halda þvagi eða hvað eða hvort þetta væri bara þunn útferð sem er víst algeng í lok meðgöngu. Það hvarflaði allavega ekki að mér að þetta væri legvatn.. var búin að hafa það svo sterkt á tilfinningunni að ég myndi ganga framyfir og ég var náttúrulega bara gengin rúmar 38 vikur. Það komu engir verkir með þessu þannig að ég hringdi ekki uppá deild fyrr en um hádegið. Þær sögðu mér að koma í tékk en Þórey var á leiðinni í heimsókn með Óskar litla og ég hafði bakað múffur og allt! Við ákvaðum að ég kæmi bara seinnipartinn fyrst ég var ekki með verki. Ég ætlaði sko að ná að hakka í mig nokkrar gulrótarmúffur áður en ég færi að brasa í þessu. Ég fór bara ein uppá spítala, hafði bara sent Klaus í vinnuna um morguninn enda átti ég ekki von á að þetta væri nokkuð. En ljósan staðfesti jú að þetta var legvatnsleki en án nokkurar útvíkkunar og leghálsinn var enn frekar þykkur. Ég fékk stikpillu lagða upp á bakvið leghálsinn til að hjálpa til við að koma þessu af stað og Klaus kom til mín úr vinnunni þar sem ég þurfti að vera í monitor í smá stund eftir það. Ég fór nú smá panikk yfir öllu sem mér fannst ég eiga eftir að gera. Var viss um að það væru amk 2 vikur til stefnu. Við fórum heim og ég beint í að þrengja sængurfötin sem ég vildi hafa fyrst á sænginni og við kláruðum loksins and pakka í blessuðu spítalatöskuna. Um nóttina byrjaði ég að fá verki á 10 mín fresti og um morguninn voru hríðirnar að koma á 5-6 mín fresti en þær voru ekki mjög langar. Við áttum að koma í annað tékk uppá deild og um leið og við mættum þangað datt allt niður! Leghálsinn var samt orðinn styttri og mýkri og ég komin með ca 1 í útvíkkun. Ég fékk því aðra stikpillu lagða upp og pensilín vegna sýkingarhættu þegar belgurinn er rofinn svona lengi og við send aftur heim. Mér fannst þessi pilla gera lítið gagn. Fékk nokkrar hríðir en mjög óreglulegar.. náði meira að segja bara að leggja mig aðeins seinnipartinn.

Vorum svo mætt aftur í tékk um hálf fimm. Við vorum viss um að vera bara send aftur heim en svo var ég komin með 2 í útvíkkun sem er of mikið fyrir aðra stikpillu og þá átti ég að fá hríðaukandi drip í æð. Við vorum semsagt ekkert á leiðinni heim aftur fyrr en með barn í fanginu! Áður en farið var í það var mér boðin úthreinsun sem ég þáði og hún kom þessu eiginlega öllu í gang! Var varla staðinn upp af klósettinu fyrr en hríðirnar komu með 2 mín fresti! Hríðaukandi í æð varð því óþarfi. Ég missti svolítið fókusinn við að þetta fór allt í einu frekar hratt í gang. Svo fékk ég að vita að það væri ekki í boði að nota baðkarið því ég þurfti að fá pensilín í æð seinna út af því hvað belgurinn var búinn að vera rofinn lengi. Ég sem hafði jafnel íhugað vatnsfæðingu þannig að allt í einu var ég búin að gleyma öllu öðru sem var í boði og gat ekki hugsað um neitt annað en að anda mig í gegnum hríðirnar. Loksins hafði ég rænu á að biðja um nálastungur og heita bakstra en fannst það hjálpa takmarkað. Um kl 21 var ég mæld og komin með 4-5 í útvíkkun. Mér fannst þetta sko ekkert ganga! Enda með frekar bjagað viðmið þegar vinkonur mínar (Maj-Britt og Sigrún) skjóta út sínum börnum á 3,5 tímum að meðaltali!! Ég byrjaði að nota hláturgasið þrátt fyrir að gúmmílýktin af grímunni væri að drepa mig og mér varð hálfóglatt af henni. Fannst gasið lítið gera við verkjunum en ég náði að hvílast aðeins betur í pásunum.

Nú voru hríðirnar byrjaðar að koma 3-4 í röð með aðeins 2ja mín pásu og ég engan veginn að sætta mig við að vera bara komin með 5 í útvíkkun! Ekki bætti úr sök að hafa tómt baðkarið þarna við hliðina á mér!! ;) Klaus var mjög duglegur að nudda á mér mjóbakið í hverri hríð og hugsaði vel um mig. Ég þrjóskaðist með gasið í ca hálftíma í viðbót og bað síðan um mænudeyfingu. Ég var drulluhrædd við að láta krukka svona í bakinu á mér en lét mig hafa það hékk bara í gasgrímunni á meðan ;) En þetta var sko besta ákvörðunin. Þvílík snilld þessi mænudeyfing! Hef sjaldan fundið fyrir jafn miklum létti og við Klaus gátum loks talað aðeins saman og ég gat brosað aðeins til hans aftur! ;) Það var varla búið að sprauta dópinu í mig þegar ég fór að finna fyrir rembingsþörf. Ljósan varð hissa og mældi mig og þá var ég allt í einu komin með 8 í útvíkkun :) Hún sagði að bara það að taka ákvörðun um deyfingu gæti hjálpað manni svo til að slappa vel af að um leið og hún færi að virka opnaðist leghálsinn um leið. Nú gátum við bara ‘beðið’ eftir að útvíkkunin kláraðist. Ég fann vel fyrir þrýsting og pressuþörf í hverri hríð en gekk vel að pústa mig í gegnum þær. Rétt fyrir miðnættið voru vaktaskipti og við vorum svo heppin að fá ljósuna okkar úr meæðraverndinni með okkur í lokasprettinn :) Útvíkkun var lokið en lillinn átti bara eftir að snúa sér aðeins. Hún rétt náði að leggja fram græjurnar sínar áður en ég mátti byrja að rembast. Um það hálftíma síðar (kl 00.47, 6.feb)fékk ég pungsann litla heitan og slímugan á bringuna á mér! Hann lét strax vel í sér heyra og náði fljótt augnsambandi við okkur. Mikið var það yndislega skrítin tilfinning að fá hann allt í einu í fangið :)

Í heildina er ég bara ótrúlega ánægð með hvernig fæðingin gekk. Hún var hæg í gang en þegar ég loks fékk almennilega reglulegar hríðir tók hún í raun ekki nema 7 tíma. Ég fékk örfá spor innan í skeiðina sem ég hef ekkert fundið fyrir síðan og hef verið mjög fljót að ná mér líkamlega.

Við vorum þrjár nætur á spítalanum þar sem hann var frekar lár í blóðsykri fyrstu dagana. Við þurftum að vekja hann á þriggja tíma fresti allan sólarhringinn til gefa honum og hann fékk auka mjólk með brjóstinu þangað til ég byrjaði að framleiða almennilega mjólk. Svona lítil kríli mega víst ekki við því að fá bara brodd fyrstu dagana, annars léttast þau svo mikið. En hann hefur verið ótrúlega duglegur. Hjúkkan kom til okkar í morgun hann hefur þegar náð fæðingarvigt sinni og vel það. Orðin 2800 gr aðeins 6 gamall. Hann er ótrúlega vær og góður, mikið matargat og finnst endalaust gott að láta kúrast með sig. Hjúkkan var ótrúlega ánægð með hann í dag og það er yndislegt að sjá hvað hann er meira vakandi á milli lúra og vill 'hanga' aðeins með okkur í staðinn fyrir að sofa bara eins og þegar að hann var sem lægstur í blóðsykrinum.. hann var algjört deig greyið og hélst varla vakandi til að drekka ;)

Hann er algjör sjarmör þessi litla elska og við foreldrarnir eru hreinlega í skýjunum með litla Ísak okkar :)

2009-02-08T21:18:00.004+01:00

Hnoðrinn okkar er fæddur! :)

Fæddur 6.febrúar kl.00.47, tæpar 11 merkur og 49cm. Algjör draumur! :)

2009-02-01T21:24:00.002+01:00

Bónorð með morgunmatnum :)

Það var einhver sem spurði hér eftir síðustu færslu hvort við hefðum trúlofað okkur á föstudaginn.. Ég var varla búin að vista svarið þar sem ég sagði að við værum sko ekkert í svoleiðis hugleiðingum, þegar Klaus bað mín við morgunverðarborðið í gær!! :) Eftir að hann náði að sannfæra mig um að hann væri ekki að grínast í mér þá sagði ég auðvitað JÁ! :) Ætlum að láta pússa okkur saman á Íslandi í sumar..hann kann að koma manni á óvart þessi elska ;)

Hann hafði reyndar hugsað um að biðja mín þegar við vorum úti að borða kvöldið áður en fannst síðan andrúmsloftið á veitingastaðnum ekki alveg við hæfi. Mjög stutt á milli borða og þó maturinn hafi verið frábær þá fannst okkur aðeins verið að reka á eftir okkur því borðið var bókað aftur á eftir okkur. Sjálf er ég mikið ánægðari með að hann beið með þetta. Við vorum búin að undirbúa ljúffengan morgunverð með brauði frá bakaranum, nýpressuðum djús, góðu kaffi, kertaljósum og plötu á fóninum. Þetta er eitthvað sem við reynum að gera reglulega þegar við eigum fríhelgi þannig að mér fannst þetta eiga sérstaklega vel við og vera yndislega rómantískt :)

Við ætlum að leyfa unganum að fæðast áður en við ákveðum dagsetninguna en hlökkum til að plana lítið huggulegt kreppubrúðkaup, einhvers staðar í sveitinni fyrir norðan með nánustu vinum og ættingjum :)

sd

2009-01-29T13:33:00.002+01:00

Góða helgi!

Jamm, það er semsagt löng helgi framundan hér :) Klaus er í fríi á morgun og við ætlum að hafa það extra huggulegt um helgina. Gæti orðið langt í að við erum bæði í fríi og að við getum gert eitthvað saman bara við tvö ;) Hann er víst með einhver plön fyrir morgundaginn sem ég veit ekkert um. Það er vonlaust að draga nokkuð upp úr honum þannig að ég bíð bara spennt eftir morgundeginum :) Á nú samt ekkert von á neinum lúxusheitum enda ekki fjárhagur á þessu heimili til þess..enda eru huggulegheit mikið betri en lúxus, ekki satt?!! ;)

Annars er þannig séð ekki mikið að frétta. Mallakútur hefur það fínt. Hann er sérstaklega næturhress og gerir allskonar fimleika æfingar þarna inni þegar ég reyni að sofa. Spurning hvort hann verði jafn hress á nóttunni þegar hann er kominn út?? ehemm...

Er búin að fara á nokkra fyrirlestra í skólanum og fá smá stressköst yfir því að ég útskrifist aldrei en svo róast ég jafn óðum og dett í kæruleysisgírinn aftur eins og Íslendingum einum er lagið.. þetta reddast allt saman! ;) Það voru nú margir hissa að sjá 'ástandið' á mér og það vill enginn trúa að ég sé komin 8.5 mánuð á leið. Finnst öllum kúlan svo lítil! Ljósan mín vil nú samt meina að samkvæmt legbotnsmælingum og þreifingum að þá verði þetta nú myndardrengur. Hann er greinilega vel bögglaður saman þarna inni litli pungsinn ;)

Hafið það gott um helgina! Ég er ekki bara spennt yfir langri helgi með honum Klaus mínum, heldur er Maj-Britt líka að fara að skíra lilluna sína sem fæddist á gamlársdag :) Hlakka mikið til að heyra nafnið á skvísunni. Svo er settur dagur hjá Sigrúnu vinkonu á sunnudaginn. Hann Egill hennar kom nú á settum degi á sínum tíma þannig að ég vona bara litla systir verði jafn stundvís :) Semsagt ýmislegt skemmtilegt að gerast um helgina! Ég hugsa til ykkar stelpur!

knús á línuna!
sd

2009-01-11T15:51:00.003+01:00

Jæja..Gleðilegt árið! ;)

Eitthvað lítið um blogg gleði þessa dagana ha? ;) En það er svosem ekkert svakalega mikið að frétta. Við héldum uppá áramótin heima hjá Mayru vinkonu minni, hennar manni og fleira vinafólki þeirra. Mayra er frá Brasilíu, með mikinn áhuga á thailenskum mat og borðar ekki rautt kjöt þannig að matseðillinn var mjög alþjóðlegur og óhefðbundinn. Að brasilískum sið tók borðhaldið fleiri fleiri klukkutíma :) Og frá svölunum þeirra var gott útsýni yfir borgina um miðnætti. Ég vil meina að Danir séu mun verri en Íslendingar þegar kemur að flugeldum, þeir sprengja mikið en virðast ekkert kunna að fara með þá. Sá til dæmis þó nokkur dæmi þar sem fólk skaut bara af svölunum hjá sér!! Best að halda sig innandyra á áramótunum hér! En kvöldið tókst bara mjög vel í alla staði.

Mallakútur þrífst bara vel og er orðinn 35 vikna í dag :) Rétt eftir jólin fannst mér ég allt í einu orðin voða þung á mér og eitthvað drusluleg og skrifaði þetta auðvitað strax á óléttuna. En eftir að við komum aftur til Köben og eftir nokkra daga í daglega hjóleríinu þá fattaði ég að þetta var nú bara eitthvað slen vegna ofáts og hreyfingarleysis!!! Er strax orðin mikið sprækari aftur og finnst eiginlega bara hálf bjánalegt að ég sé að fara í fæðingarorlof eftir tæpa viku! En hér býðst manni að hætta að vinna fjórum vikum fyrir settan dag án þess að það dragist frá orlofinu eftir fæðinguna þannig að ég ákvað að nýta mér það bara.. en gæti nú auðveldlega unnið lengur. Ekki það að ég láti mér leiðast af aðgerðarleysi. Þarf nú að byrja að undirbúa eitthvað hér heima og ég mæti nú á þá fyrirlestra sem eru í gangi í skólanum alveg eins og ég get fram að fæðingu. Það verður nú ýmsu komið í verk hér um næstu helgi. Pabbi hans Klaus kemur frá Jótlandi með vöggu og skiptiborð og um leið hjálpar hann okkur að setja upp fataskápinn sem við keyptum í síðustu viku. Eftir þá helgi er aðallega svona þvottastúss eftir, fara í gegnum föt sem við fáum lánuð og svo kaupa það smotterí sem vantar. Annars finnst mér ég hafa nógan tíma - er eitthvað svo viss um að ég gangi slatta fram yfir og dönsku ljósurnar eru sko ekkert að ýta á eftir þessu fyrr en við 42 vikur í fyrsta lagi! Þannig að ég á miklu frekar von á pungsa litla í lok febrúar en um miðjan mánuðinn.. þangað til eitthvað annað kemur í ljós ;)

knús á línuna ;)

2008-12-23T17:09:00.002+01:00

Gledileg jól!

Mér finnst nú samt skrítid ad segja thetta.. er ekki alveg ad medtaka ad thad sé adfangadagur á morgun! Vid tókum semsagt lestina til Jótlands í gærkvøldi og mikid ofbodslega var gott ad losna úr stressinu úr vinnunni! Búid ad vera klikkad ad gera sídustu thrjár vikurnar thar. Einhvern veginn tekst mér alltaf ad finna vinnu thar sem brjálad er ad gera rétt fyrir jólin. Thad var semsagt lítid sem minnti á jólin heima hjá mér thegar vid løgdum af stad.. vid nádum nú samt ad thrífa vel á sunnudaginn thannig ad thad verdur gott ad koma heim aftur í tandurhreina íbúd:)

Ég komst nú í smá jólaskap um daginn thegar vid Thórey skelltum í threfalda søru uppskrift.. og jeminn eini hvad thær tókust vel!! Thetta var sko ekkert mál thrátt fyrir pláss- og græjuleysi. Thad tharf sko ekkert alltaf frystikistu, Kitchen Aid hrærivél og tvíbreidan ofn (eins og virdist vera ordid standard á svo mørgum íslenskum heimilum eftir gódærid sáluga) til ad gera killer sørur! ;) Thrjóska og útjónarsemi er feykinóg og thad vantar sko ekki hjá okkur støllunum! ;) Og haldidi ad Thorey hafi ekki sodid hangikjøt kvøldid ádur!! svo vid jøpludum á thví og hlustudum á íslenska jólatónlist - ekki leidinlegt!

En nú er jólastemmningin smá ad síast inn aftur.. erum búin ad gæda okkur á eplaskífum og jólagløggi í dag - ég fékk einhverja plat útgáfu af gløgginu - og svo er tengdapappi ad fara ad drøsla trén inn og skreyta. Svo á ad gera smá konfekt í kvøld líka. Jólastemmningin verdur svo bara tekin med trompi næsta ár, thá verd ég líklegast ennthá í fædingarorlofi og get gert allt sem ég hef aldrei gefid mér tíma í vegna vinnu eda prófa í desember...thad er nú hálfsorglegt ad hugsa til thess.. ordin rúmlega thrítug og hef aldrei svo mikid sem sett upp jólaseríur eda adventuljós heima hjá mér í adventunni!! dæs.. Ég hlakka semsagt mun meira til næstu jóla en thessara! Og thau verda líka haldin á Íslandi!! :) Tengdamamma gerir nú samt sitt besta til ad ég fái eitthvad 'íslenskt' ad borda og keypti reykt lambakjøt til ad hafa med í julefrokosten á jóladag.. hún keypti reyndar líka reykt hrossakjøt! Hún mundi sko ekki alveg hvort hangikjøt var lamb eda hross.. hún verdur thví ad borda blessada hrossakjøtid sjálf! ;) En ég fæ thó reykt lambakjøt, stúfadar kartøflur og raudrófusalatid hennar mømmu.. og er bara vel sátt!:)

jæja.. thetta átti nú bara ad vera eitthvad stutt og laggott ;)

Vid óskum ykkur øllum gledilegra jóla og hafid thad sem allra best yfir hátídirnar!
knús á línuna..
sd

2008-12-07T12:57:00.004+01:00

30 vikur

..semsagt bara 10 vikur í settan dag! Undarleg tilfinning verð ég að segja. Annars erum við eldhress en oggulítið orðin leið á að sitja svona yfir skólabókunum..en bara fimm dagar eftir að þeirri niðurtalningu sem betur fer ;)

sd

2008-12-01T20:04:00.003+01:00

Hitt og þetta í byrjun desember..

jamm.. þar sem ég er gjörsamlega að klepra yfir próflestrinum þá ákvað ég að segja ykkur frá því helsta ;)

Klaus og félagar opnuðu nýtt kaffihús í dag í Roskilde! Á besta stað í göngugötunni þar. Þeim bauðst húsnæði á góðu verði fyrir bara nokkrum vikum síðan og ákvaðu bara að drífa í þessu. Frábært að ná að opna svona rétt fyrir jólatrafíkina. Þetta er nú næststærsta borgin hér á Sjálandi ;) Ég komst því miður ekki á opnunina vegna prófalesturs.. en ég fer beinustu leið í kaffi í Roskilde þegar ég er búin með prófin 12.des ;) Það koma örugglega myndir hérna inn seinna í kvöld.

Við erum svona nokkurn veginn búin að kaupa barnavagn :) Fann einn svaka fínan, lítið notaðan á netinu á góðu verði, Emmaljunga Supreme Big Star eða eitthvað álíka. Maður verður víst að bjarga sér svoleiðis á þessum síðustu og verstu enda ekkert eðlilegt hvað þessir vagnar kosta nýjir. Seljandinn ætlar að skutla honum til okkar annað kvöld.. Við getum auðvitað hætt við kaupin ef við sjáum eitthvað athugavert við hann á morgun en annars voru myndirnar mjög góðar sem hún sendi mér þannig að ég hef engar áhyggjur. Er bara fegin að geta gengið frá þessu núna. Verður mikið að gera í desember og fínt að hafa bara smotterís undirbúning eftir í janúar.

Fórum í mæðraskoðun í síðustu viku. Allt leit vel út. Blóðþrýstingur fer bara lækkandi ef eitthvað er.. sem er auðvitað fínt, en hann má svosem ekkert lækka mikið meira ;) Við byrjum svo á einhverju foreldra/fæðingarnámskeiði um miðjan desember.

Svo eru bara próf framundan í þessari og næstu viku.. og mér hefur aldrei leiðst próflesturinn jafn mikið! Er engan veginn að nenna þessu og er bara með hugann við allt annað þessa dagana. Get ekki beðið eftir að vera búin að þessu! Þó svo að það verði bara meira að gera í vinnunni eftir prófin þá finnst mér tilhugsunin um að þurfa ekki að setjast niður og læra eftir vinnu alveg yndisleg!! Get þá bara dundað mér við að skrifa jólakort - sem verða auðvitað send á síðustu stundu - og maulað sörurnar sem við Þórey ætlum að baka þann 13.des!! Jeiii!

Talandi um jólakort.. hef fengið ábendingar frá ofvirkum frænkum mínum hérna sem skrifa jólakort í lok nóvember!! ;)
Heimilisfangið okkar er:
Kornblomstvej 7, 1.tv
2300 København S

Gleðilegan fullveldisdag..

sd

2008-11-21T21:54:00.003+01:00

Föstudagskvöld..
..og ég er þreytt eftir langan vinnudag. Það snjóar úti og það er skítkalt hérna inni :( Planið var að nota tækifærið fyrst ég er ein heima í kvöld og byrja á verkefni fyrir skólann en ég er búin að liggja eins og skata upp í sófa síðan ég kom heim.. Það styttist skuggalega mikið í próf og verkefnaskil.. og einbeiting er akkúrat engin!!

Við ætlum samt að hafa það pínu huggó áður en ég leggst algjörlega yfir bækurnar. Foreldrar Klaus koma í bæinn á morgun og ætla að fara með okkur aðeins útúr bænum. Kíkjum á sýningu í Frederiksborgs Slot og út að borða á eftir. Það verður gaman að sjá þau og fá gott að borða ;)

Og börnin sem 'áttu' að fæðast á afmælisdaginn minn eru loksins komin í heiminn! :) Þau létu svo sannarlega bíða eftir sér. Þórey og Troels eignuðust lítinn pungsa aðfaranótt miðvikudags, sem hefur fengið nafnið Óskar. Hann er svo yndislegar fallegur það hreinlega ískraði í mér af spenningi þegar ég sá myndirnar af honum :) Hlakka mikið til að æfa mig aðeins á honum!
Helga Ósk og Sigmar fengu litla dömu í fyrrinótt. Hef nú ekki séð myndir ennþá en foreldrarnir eru svo fallegir að það er ekki von á öðru en lítilli bjútípæ :)
Innilegar hamingjuóskir til þeirra allra enn og aftur!!

Góða helgi!

2008-11-08T22:07:00.006+01:00

Takk fyrir allar kveðjurnar..

Við erum búin að hafa það ofsalega huggulegt í dag í góðum félagsskap. Þó að gerbaksturinn hefði mátt lukkast betur þá kláraðist nánast allt og allir fóru saddir og lukkulegir heim :) Ég fékk Cheerios í hádegismatinn í dag (takk mamma og pabbi!!) og er þegar farin að hlakka til að fá mér í morgunmat á morgun! :)

Þessi var tekin í dag, Þórey gengin 40 vikur og ég 26. Ný dönsk/íslensk kaffibarþjónakynslóð í vinnslu!

2008-11-07T19:51:00.002+01:00

Ég er að baka!

já, hvort sem þið trúið því eða ekki þá stend ég sveitt í eldhúsinu og er að baka fyrir morgundaginn! Ekki beint afslöppunin sem maður þarf á að halda eftir langa vinnu/skólaviku en einhverra hluta vegna beit ég þetta í mig. Er að baka valhnetubollur og súkkulaðiköku í kvöld og hendi svo í nokkrar múffur í fyrramálið. En það er nú ekki eins og það verði einhver heljarinar veisla. Þrjár vinkonur mínar, Þórey, Anne og Mayra (+ 2 makar) ætla að kíkja í kaffi til mín. Ég bara fylltist svo miklum valkvíða þegar ég var að plana þetta að ég ákvað að gera þetta allt saman!

Þórey er ólétt.. er sett á sunnudaginn. Semsagt bæði hún og Helga Ósk frænka settar daginn eftir afmælið mitt. Mér finnst það nú alveg lágmark að önnur þeirra eigi á morgun mér til heiðurs!! ;) Ég er sett tveimur dögum fyrir afmælisdag Þóreyjar - ég gæti þá bara haldið í mér í tvo daga henni til heiðurs í staðinn!! ;) Finnst ykkur þetta ekki bara mjög sanngjarn - og RAUNHÆFUR - díll???

en.. ef ég á að segja alveg eins og er þá vil ég helst að Þórey og Troels komist í 'kræsingarnar' (sjáum til hvernig til tekst) á morgun ;)

Helga Ósk þú sérð þá bara um þetta!

Best að kíkja á þetta sull þarna frammi..góða helgi annars.

sd

2008-11-02T15:15:00.002+01:00

25 vikur í dag :)

2008-11-01T18:45:00.002+01:00

Ég er að springa..

..ekki úr óléttu heldur úr stolti!!! :) Haldiði að mín sé ekki búin að kaupa fyrstu jólagjöfina í ár!! :) Og ég er meira að segja búin að ákveða að nokkrar í viðbót sem verða keyptar í næstu viku. Ef þetta er ekki tilefni til monts þá veit ég ekki hvað.. held að ég hafi aldrei keypt eina einustu jólagjöf fyrir 10.desember!! En það veitir víst ekkert af að dreifa útgjöldunum þetta árið..

Annars er lítið nýtt að frétta.. hef verið að vinna mikið í vikunni og kærulaus gagnvart skólanum. Þó að ég sé fegin að vera ekki háð íslensku námslánunum þessa dagana þá finnur maður sko muninnn að vera án þeirra og tek því allar aukavaktir sem bjóðast. Svo verður prófunum bara reddað á síðustu stundu.

Þannig að ég er frekar þreytt núna og helgin fer bara í afslöppun og jú.. einhvern lestur.

Góða helgi elskurnar, hvar sem þið eruð!

sd

2008-10-19T13:47:00.002+02:00

Mig langar svooooo í Cheerios!!!

Skil ekkert í því af hverju fæst ekki venjulegt Cheerios hérna!! Sérstaklega af því það fæst Honey Nut og Frosted Cheerios í nokkrum búðum hérna. Þetta pirrar mig óstjórnlega mikið þessa dagana. Mig dreymdi meira að segja Cheerios í nótt!! Ég hámaði þetta svoleiðis í mig þegar ég var heima á Íslandi í september. Passaði að setja vel af mjólk út á þannig að ég þurfti að bæta alveg tvisvar í skálina til þess að klára mjólkina - það er sko mikilvægt að klára mjólkina!! ;)

Ætli það fáist Cheerios í Svíþjóð?????????

2008-10-15T11:06:00.002+02:00

Haust'frí'

Þar sem ég er í valfögum í skólanum núna þá er ég ekki í þessum fjórðungakerfi núna sem deildin mín notar (ein af mjög fáum í skólanum). Sem þýðir að ég fer barasta í haustfrí í heila viku eins meirihluti skólans - í staðinn fyrir að vera í prófum eins og venjan er í okkar deild á þessum tíma. Ekki slæmt! Reyni samt að nota 'fríið' til að lesa upp það sem ég missti af á meðan ég var á Íslandi og svo auðvitað að vinna eins og ég get. Þetta þýðir líka að ég verð komin í jólafrí frá skólanum 12.des!! í staðinn fyrir að vera í prófum fram til 21. eða eitthvað álíka - heldur ekki slæmt :) En þá verður líka bara jóla'fríið' nýtt til að vinna eins mikið og ég get. Það veitir víst ekkert af að reyna að þéna smá aur... þurfum víst að safna fyrir barnavagni og svoleiðis. Við erum samt ótrúlega heppin með að það er mjög margt sem við getum fengið lánað þannig að ég er ekkert að kvarta.

En ég hef semsagt ákveðið að lofa mér í vinnu milli jóla og nýárs sem þýðir auðvitað að við komum ekki heim um jólin :( Þetta var erfið ákvörðun en svona er þetta bara.. ég fær líka betra orlof því meira sem ég vinna fram orlofinu þannig að nú er það bara skynsemin sem ræður ríkjum hér!! ;) Klaus er mjög svekktur að komast ekki til Íslands um jólin enda alltof langt síðan hann kom síðast. Það var eiginlega bara ég sem ákvað þetta og tilkynnti honum þetta eftir að ég var búin að melta þetta og sætta mig við þetta allt saman.. núna er ég eiginlega í því að hughreysta hann og sannfæra um að þetta sé rétt ákvörðum. Finnst þetta hálf öfugsnúin staða eitthvað.. en ég hlakka þá bara ennþá meira til að eyða jólum heima á Íslandi næst með lítinn gaur með í för ;)

sd

2008-10-06T19:31:00.005+02:00

ÚFF ÚFF ÚFF...

ég er bara hálf orðlaus eitthvað eftir að hafa kíkt á mbl.is núna áðan... DÍSÖSS KRÆST er það eina sem mér dettur í hug - hvað annað er hægt að segja? Nema mikið ofboðslega er ég fegin að hafa ekki fengið íslensk námslán í ár!!!! :)

Best að sýna ykkur sæta mynd til að létta skapið, get nefnilega ímyndað mér að þið þarna heima séuð á ennþá meiri bömmer er ég:

Ég og Elfa Rún systurdóttir mín urðum voða miklar vinkonur á meðan ég var fyrir norðan :) Ég panta eitt svona draumabarn eins og hana þegar ég fer í að skrifa BS ritgerðina mína eftir áramót!! :)

Annars hefur Lúri litli það bara mjög fínt. Hann stækkar hratt þessa dagana og lætur vel vita af sér með alls konar poti og hnoði..enda orðin 21 vikna gamall. Það hverfur öll svartsýni þegar það er bankað svona krúttlega í mann! ;)

knús á línuna,
sd

2008-10-01T20:10:00.002+02:00

Til hamingju með afmælið Höddi!!

jamm, hann Höddi bró á afmæli í dag sem er bara gott mál því það þýðir að það fer að styttast í minn afmælisdag líka!!! ;)

Vonandi hefur þú notið dagsins 'gamli' minn! ehmm.. það eru nú ekki nema 13 mánuðir á milli okkar ;)

knús,
sd

2008-09-25T18:14:00.003+02:00

Það er lítill prins á leiðinni! :)

Og hann var sko ekkert feiminn við að sýna sprellann sinn! ;) Annars virtist hann nývaknaður eftir hjólatúrinn.. teygði úr sér á alla vegu og geispaði mikið. Ekkert smá gaman að fylgjast með þessu :)

En allar mælingar komu vel út. Öll líffæri til staðar og vel starfandi, tíu puttar og tíu tær - fullkominn lítill pjakkur!

Syfjað lítið kríli:

Fer ekkert á milli mála hvort kynið lúrir í mallanum!! ;)

:)

2008-09-10T19:17:00.002+02:00

Að kíkja í 'pakkann' eða ekki??

jamm það er aðal spurningin hjá okkur þessa dagana. Við förum í næsta sónar daginn eftir að ég kem tilbaka frá Íslandi og við eigum erfitt með að ákveða hvort við eigum að reyna að fá að vita kynið. Fyrst vildi ég endilega fá að vita það en Klaus var harður á því að við ættum bara að bíða og sjá. Nú er hann eiginlega búinn að skipta um skoðun og ég er ekki viss lengur. Þegar mamma hringdi í mig til að segja mér að Elín væri búin að eiga þá fékk ég hreinlega gæsahúð af spenningi að fá að heyra fréttirnar!! :) Þá fór ég að pæla í hvort að væri skemmtilegra að vera ekkert að kíkja.

EENNN ég er bara svo sjúklega forvitin að vita hvort það sé stelpa eða strákur að laumupúkast þarna inni!! :) Þar væri líka frekar praktískt. Þá væri auðveldara að fá lánað eitthvað af minnstu fötunum sem þau vaxa svo fljót uppúr.. og það væri náttúrulega fínt fyrir mömmu sem er vön að prjóna heimferðargallann á barnabörnin..þá þarf hún ekki að bíða fram á síðustu stundu með að festa réttu tölurnar í! ;) Hér er maður í mesta lagi tvo sólahringa á fæðingardeildinni ef allt gengur vel þannig að það yrði nú tæpt fyrir hana að senda gallann til okkar. ;) Þannig að er ekki um að gera á reyna bara tékka á þessu?? ;)

Svo veit ég stundum ekki af hverju ég pæli svona mikið í þessu. Ég held að það séu eiginlega 99% líkur á að þetta sé lítill tippalingur. Það er jú framlag föðursins sem ákvarðar kynið og það virðist sem karlmennirnir í fjölskyldu Klaus skjóti bara strákasæði!! Klaus á bara bræður, pabbi hans líka, reyndar átti afi hans eina systur en hann átti líka níu bræður!! Auðvitað er okkur alveg sama hvort kynið við fáum en mér finnst að fjölskyldan hans hefði svolítið gott af því að fá litla skvísu..og svo er þetta bara forvitnin í mér sem er alveg að fara með mig! ;) Það er auðvitað oft ekkert hægt að sjá neitt..kannski væri það bara best.

Hvað finnst ykkur?

2008-09-06T16:03:00.002+02:00

Íslendingar í Kaupmannahöfn

Við fórum á videoleigu í gærkvöldi og ég heyrði strax að það var íslenskt par þarna inni að velja sér mynd. Það er svosem ekkert nýtt - ég heyri í Íslendingum í kringum mig nánast á hverjum degi, þeir eru gjörsamega útum allt hérna. Nema hvað.. þau eru á undan okkur við afgreiðsluborðið að það er frekar þröngt þarna og þegar þau ganga út þarf ég að færa mig aðeins svo þau komist framhjá. Þau er varla komin framhjá mér þegar strákurinn segir við kærustuna 'þú ættir að fá þér svona jakka!' það var sko ekkert annað fólk þarna inni þannig að hann var greinilega að tala um mig... og hvort þetta var sagt í kaldhæðni af því honum fannst jakkinn minn svo ljótur hef ég ekki hugmynd um og er sko alveg sama um það... en HALLÓ??? Ég var ekki nema 30cm frá honum þegar hann sagði þetta - aldrei myndi mér detta í hug að kommenta eitthvað svona upphátt á íslensku beint fyrir framan viðkomandi enda allt morandi af Íslendingum hérna!! Ég varð náttúrulega kjaftstopp og náði ekki að segja neitt við hann.. en mér fannst þetta bara fyndið - hvað er eiginlega að fólki??

Annars er ég bara í góðu skapi í dag þrátt fyrir að ætla að vera heima að lesa á laugardagskvöldi á meðan Klaus ætlar út að hitta gamla félaga.. það er ekki hægt annað en að vera glaður því það er bara VIKA í að ég komi til Íslands!! :)

Jeeminn hvað ég hlakka til!!! :)

2008-09-03T19:28:00.003+02:00

Kaos

Æi ég verð að viðurkenna að mér finnst lífið eitthvað full flókið þessa dagana :( fékk að vita fyrir nokkru að ég fæ engin námslán þetta skólaárið.. er víst búin með kvótann í bili. Þetta þýðir að ég þarf að vinna töluvert meira með skólanum en ég hef gert hingað til og það vill svo skemmtilega til að það hefur aldrei verið jafn mikið að lesa í skólanum eins og einmitt núna! Þvílíku doðrantarnir sem ég þarf að komast í gegnum á næstu 10 vikum. Svo rekast tveir af kúrsunum mínum á þannig að ég næ aldrei heilum fyrirlestri í þeim fögum. Ég var líka að skrá mig í jóga - maður þarf jú að hugsa vel um sig líka þessa dagana og það var ætlunin að komast í það tvisvar í viku - er ekki alveg að sjá það gerast. Svo á maður víst kærasta sem þarf nú smá athygli... og samkvæmt fræðibókunum á maður víst að reyna að slappa aðeins af svo að baksturinn takist sem best..ehmm..

Grrr.. mér finnst þessi önn bara vera algjört klúður! Pant leggjast undir sæng og sofa fram að jólum!!

pirr pirr..

2008-08-28T20:16:00.003+02:00

Raunveruleikinn tekinn við á ný..

Fríið okkar var sko algjör snilld! Vorum í rúma viku í litlum bær sem heitir Blauzac og það var eins og að vera komin aftur í tímann. Flest öll húsin ca. 200 ára gömul og það sem flestir bæjarbúar voru í sumarfríi þá var þetta eins og hálfgerður draugabær ;) En það var nú alltaf hægt að labba út í búð á morgnanna og kaupa ferskt brauð og croissant með morgunkaffinu. Ferlega huggó. Allt í kringum Blauzac voru svo stærri bæir/borgir með lífegri veitingahúsmenningu og fullt af áhugaverðum stöðum að skoða. Skemmtilegast fannst okkur samt að versla inn á öllum lókal mörkuðunum og elda svo heima. Allt var svo ferskt og gott - og mikið betra á bragðið einhvern veginn. Frakkarnir voru yndislegir! Veit ekki hvaðan sögurnar koma um að þeir seú ruddalegir við túrista. Það voru allir þvílíkt til í að hjálpa okkur og reyna að gera sig skiljanlega þrátt fyrir okkar lélegu frönsku ;)
Síðustu þrjá dagana vorum við í Nice. Það var eiginlega hálfgert menningarsjokk að koma þangað. Allt morandi í túristum og vonlaust að finna almennilega veitingastaði - vorum orðin svo góðu vön úr sveitinni ;) Reyndar fengum við loksins rosalega gott að borða síðasta kvöldið á pínulitlum veitingastað sem reddaði alveg Nice dvölinni ;) Borgin minnti mig reyndar svolítið á Barcelona.
Við skruppum líka til Mónakó síðasta daginn. Bara 20 mín lestarferð þangað og við skoðuðum það helsta; casínóið, furstahöllina og exótíska garðinn. það var eiginlega of heitt þarna þannig að við drifum okkur aftur til Nice til að kæla okkur í sjónum. Sjórinn þarna er sjúklega túrkis blár, hreinn og hlýr :) Yndislegt alveg!

Svo er bara búið að vera fullt að gera síðan við komum heim. Klaus er búin að vera að vinna eins og vitleysingur alla vikuna við að setja upp espressóvélar fyrir nýjan kúnna út um allt land. Sé hann varla fyrr en seint á kvöldin. Og það eru veikindi í vinnunni hjá mér þannig að það er nóg að gera. Svo byrjar skólinn bara í næstu viku. Kræst hvað þetta sumar þaut fram hjá manni!!

Bjórvömbin stækkar hægt en örugglega ;) Hún er reyndar mjög óléttulega á kvöldin en bara frekar skvabbleg yfir daginn. Vonandi hef ég eitthvað til að sýna ykkur þegar ég kem til landins eftir ca. hálfan mánuð svo þið trúið mér!! ;) Hrikalega hlakka ég til að sjá ykkur öll!!

ta ta..
sd

p.s. Við eigum eftir að setja myndirnar úr fríinu inn á flickr..læt ykkur vita þegar þær eru komnar inn þá getið þið kíkt á þær

2008-08-08T17:22:00.006+02:00

Nýjasti fjölskyldumeðlimurinn.. og annar á leiðinni! ;)

Elín systir fæddi þessa yndislegu litlu prinsessu í morgun!

Hún fæddist 13 merkur og 50cm. Mikið ofboðslega finnst mér hún falleg! Elsku Elín, Kalli, Guðný Ósk og Halldór Smári, innilegar hamingjuóskir með litlu músluna! Get ekki beðið eftir að fá að knúsa ykkur og kássast aðeins í litlu dömunni þegar ég kem heim um miðjan september!

Og nú er ég tekin við af Elínu!

Við eigum von á litlu kríli 15.febrúar :) Ég veit að þetta líkist nú bara bjórvömb ennþá en það er í alvöru lítill laumufarþegi þarna inni, tæplega 13 vikna gamall ;)

Og nú erum við komin í langþráð frí og fljúgum til Nice á sunnudaginn.. hafið það gott þangað til næst.

knús á línuna,
sd

2008-07-23T11:52:00.002+02:00

Afmælisbörn dagsins..og gærdagsins

Elsku hjartans Klaus minn á afmæli í dag!! Hann er ordinn 28 ára - semsagt alveg ad ná mér!! Vid erum búin ad borda dyrindis morgunmat útí gardi og svo fáum vid köku seinna í dag. Vid erum semsagt heima hjá foreldrum hans á V-Jótlandi thannig ad nú er loksins haldid uppá afmælid hans á alvöru danska vísu.. med furdulegum afmælissöngvum, (ekkert grín!) fánum og det hele!!

Unnur amma mín á líka afmæli í dag :) Innilegar hamingjuóskir med daginn elsku amma mín. Hún og afi eru nú á leidinni í heimsókn til systur hennar. Góda ferd til Svíthjódar og bestu kvedjur til Ásu frænku.

Lise mamma hans Klaus vard sextug í gær. Thad var settur upp kaffibar hér útí hlödu, dekkud bord og skreytt med blómum úr gardinum. Svo sat fólk líka út um allan gard og hafdi thad huggulegt. Um thad bil 80 nágrannar og vinir mættu og gæddu sér á edal kaffi, afmæliskringlu, súpu, samlokum og smákökum.. svo var ad sjálfsögdu öl í bodi med thessu öllu! Semsagt bara mjög thægilegt og afslappad. Hér tala allir mjög undarlega Jótlensku thannig ad ég skil varla ord havad fólk segir en mér syndist á öllu ad fólk skemmti sér vel! Foreldrar Klaus er bædi frá Sjálandi thannig ad thad verdur haldin önnur fjölskyldu veisla á laugardaginn og their sem vilja tjalda úti á túni eda gista í húsvögnum eda nærliggjandi sumarbústödum. Semsagt mikid líf og fjör hér thessa dagana ;)

Hvad med ykkur?? Ég fer nú ad hætta thessu bloggeríi ef ég fæ bara eitt komment (takk Maj Britt!!) ad medaltali á færslurnar!

Sjáum til..

túllílú,
sd

2008-07-01T20:27:00.004+02:00

okei okei.. þið máttuð alveg reka á eftir mér í þetta skiptið.. ;)

Nett bloggleti í gangi undanfarið.. EN - vitiði hvað! Við erum búin að bóka fríið okkar!! :) Jibbíí! Suður Frakkland í 10 daga um miðjan ágúst - vá hvað ég hlakka til! Við fljúgum til Nice, leigjum bíl og keyrum til Nimes (ca. 3 klst), þar fáum við lánað sumarhús í eigu fjölskyldu Linusar (meðeigandi í TCC). Gamalt hús frá 1800 og eitthvað.. Þar verðum við í ca. viku og ætlum að þvælast um héraðið. Fullt af stöðum til að kíkja á: Mont Pellier, Marseille, Avignion (kann ekkert að stafa þessi nöfn). Svo förum við aftur til Nice, skilum bílnum og verðum þar í þrjár nætur. Ætlum bara að finna eitthvað kósí (og ódýrt!) Bed&Breakfast og hanga aðeins í bænum, kíkja á ströndina og borða góðan mat... LJÚFT!! :) Ég hlakka ekkert smá til. Hef ekki farið í svona alvöru afslappelsis og sólarfrí síðan ég og Maj Britt fórum til Portúgal um árið.. man varla hvenær það var.. 2004??

En að öðru - Heimsmeistarmótið gekk vel. Fyrir utan að vera að dæma þrjá af fjórum dögunum þá þurfti maður nú að sýna sig og sjá aðra flest öll kvöldin . Langt síðan ég hef verið jafn tíður gestur á öldurhúsum borgarinnar. Og við erum ekkert smá ánægð með árangur helgarinnar: Danski meistarinn komst í sex manna úrslit af 51 keppendum, góður vinur okkar frá Írlandi Stephen Morrisey er nýkrýndur heimsmeistari kaffibarþjóna, TCC voru veitt verðlaun fyrir frumkvöðlastarfsemi og Casper (meðeigandi í TCC) varð heimsmeistari í kaffismökkun!!! :) Þannig að það var mikið til að halda uppá alla helgina.. og erfitt að mæta í vinnu eldsnemma á mánudagsmorguninn.. ;)

Svo kom Sveina frænka í heimsókn strax eftir keppnina. Henni var alveg sama þót við værum þreytt, raddlaus og utan við okkur eftir erfiða helgi og við höfðum það kósí hérna öll þrú saman á sófanum ;)

Svo er skólinn byrjaður aftur - fór í fyrsta tímann í dag og líst bara vel á. Og nú tel ég bara dagana þangað til Vigdís kemur í heimsókn eftir 10 daga! ;) Þetta sumar á eftir að fljúga algjörlega frá mér!!

ta ta..
sd

2008-06-16T18:44:00.002+02:00

Heimsmeistaramót Kaffibarþjóna framundan..

..og allt liðið byrjað að tínast í bæinn. Oh þetta er alltaf svo skemmtilegur tími. Maður á vini frá öllum heiminum sem maður hittir bara einu sinni á ári í kringum þetta mót. Ég fer á dómaranámskeið á mivikudagginn og svo byrjar keppnin á fimmtudaginn og lýkur á sunnudaginn. Langir en skemmtilegir dagar framundan ;)
Á laugardagskvöldið er árlegt Gala kvöld SCAE (speciality coffee association of Europe) og þar sem gefnar eru viðurkenningar fyrir ýmis konar framlög til iðnaðarins. The Coffee Collective eru tilnefndir sem bestu ungu frumkvöðlarnir - SPENNANDI!! :) Við erum auðvitað bara að springa úr stolti yfir tilnefningunni :)

Annars er bara fínt að frétta af okkur. Guðný vinkona var í nokkra daga hjá okkur í byrjun mánaðarins. Við drukkum bjór frá morgni til kvölds, sóluðum okkur á ströndinni og borðuðum góðan mat - ekki leiðinlegt! Verst að strandarveðrið er búið í bili :(

Ekki meira að frétta í bili - til hamingju með daginn á morgun!!

2008-05-28T21:52:00.004+02:00

Nú er ég hætt..

..að lesa! Próf kl.9 í fyrramálið í alþjóðlegri viðskiptalögfræði. Get ekki beðið eftir að þetta sé búið :) Samt búið að ganga alveg allt í lagi. Tók þá ákvörðun að reyna ekki einu sinni að læra heima - það hefði bara endað í einhverjum óþarfa hreingerningaræði...reyndar held ég að 'óþarfa' sé kannski ekki rétta orðið eins og staðan er núna.. ehmm ;) Svo skildi ég líka tölvuna eftir heima - það hjálpaði heilmikið. Er held ég bara búin að taka viðskiptalögfræðina í sátt, ýmislegt áhugavert þarna inn á milli. Reyndar skiptir stundum engu máli hvað ég er búin að læra mikið, oft tæmist hausinn hreinlega um leið og prófdómarinn gefur okkur merki um að byrja - og það kviknar ekki á aftur fyrr en stuttu eftir að prófi er lokið..dæs..

En þessa dagana sér maður uppdressaða nemendur út um allt í skólanum, á leiðinni eða nýbúnir að verja útskriftarverkefnin sín.. stundum bíða nokkrir fjölskyldu meðlimir fyrir utan stofuna með kampavín og blóm. Trúi varla að ég verði loksins í þessum sporum eftir ár!! Mikið ofboðslega verð ég ánægð þegar þetta er búið!! Það var nú auðvitað planið að fara beint í master eftir þetta.. svei mér þá ég veit það ekki lengur, er þvílíkt að klepra á þessu núna - ákveð það bara þegar að því kemur, eitt skref í einu.

ta ta,
sd

2008-05-18T11:26:00.003+02:00

Próflestur framundan..

Fyrir utan einstaka vinnudaga inná milli þá eiga næstu 10 dagar að vera algjörir lestrardagar, með 150% einbeitingu og engri truflun!! ehhh.. ein svolítið bjartsýn!! ;) Það má allavega byrja að rigna núna svo ég geti haldið mig innandyra fram til 29.maí.

Sumarið lítur vel út.. á von á fullt af heimsóknum. Guðný vinkona stoppar í millilendingu frá Balí í byrjun júní. Seinnipartinn í júní verður heimsmeistaramót kaffibarþjóna haldið hér í Kaupmannahöfn sem þýðir að bærinn verður fullur af kaffivinum okkar frá öllum heiminum - þetta verður þvílíkt stuð! Í lok júní stoppar svo Sveina í einhverjar nætur á leiðinni til Finnlands :)

Ég verð reyndar ekki alveg laus við skólann í sumar. Ákvað að taka eitt fag í sumarskóla í júlí. Ég vissi að ég fengi aldrei 100% vinnu í sumar þar sem við erum svo margar skólastelpur í vinnunni sem vilja fleiri vagtir í sumar að ég ákvað bara að taka einn kúrs og hafa þá bara aðeins minna að lesa næsta haust og geta þá unnið aðeins meira með... jafnar tekjur eru lykilatriði þessa dagana ;)

En það verður nú samt gaman í júlí líka! Vigdís heimsækir mig um miðjan mánuðinn og í lok máðarins förum við til Jótlands í stórafmæli. Mamma Klaus verður sextug og það er búið að bjóða allri ættinni að koma og tjalda úti á túni í tilefni dagsins! Eða svona næstum því ;) þetta verður mjög huggó á danska vísu!

Við tökum svo tveggja vikna frí um miðjan ágúst.. við erum ekki alveg búin að plana það. Okkur langar svakalega mikið að nota hluta þess til að gera eitthvað sem er ekki tengt kaffi og án allra fjölskyldu heimsókna!! he he.. ekki illa meint. Okkur langar helst að fljúga til Parísar, kíkja aðeins á borgina og keyra svo eitthvað út í franska sveit og gista nokkrar nætur á litlu gistiheimili eða bændagistingu. Reynum að plana þetta almennilega þegar ég er búin í prófinu.
Svo er allavega stefnan hjá mér að koma til Íslands í lok sumars.. vonandi kemst Klaus með þetta skiptið.

Þannig að það er sko nóg að gera næstu mánuði. Verst hvað sumarið líður alltaf hratt - væri til í að hafa þetta alltaf svona!

knús,
sd

2008-05-11T09:26:00.002+02:00

Stór dagur í dag :)
Kristrún Hrafnsdóttir og Guðný Ósk Karlsdóttir systkinadætur mínar munu báðar fermast í dag í Munkaþverákirju í Eyjafjarðarsveit. Innilegar hamingjuóskir til þeirra í tilefni dagsins! Við vonum að dagurinn verði nákvæmlega eins og þið óskið ykkur og gott betur það.

Ef bara Iceland Express væri byrjað með beina flugið til Akureyrar þá hefði ég sko splæst á mig helgarferð.. en nei nei.. það byrjar 15.maí :( ekkert smá svekkt yfir þessu. En maður fær víst ekki allt sem maður vill.

Annars er frekar lítið að frétta eins og bloggletin gefur að kynna. Ég hefði nú getað bloggað veðurfréttir alla vikuna en ákvað að kvelja ykkur ekki með því! Það eina sem ég segi ykkur er að lestrarplan helgarinnas er algjörlega farið til fjandans sökum blíðunnar og sólarvörnin er borin á í þykkum lögum annars væri ég löngu brunnin til ösku...

;)

2008-04-29T18:52:00.005+02:00

Það eru tvær yndislegar dömur búnar að eiga afmæli núna í apríl og ég svoddan lúði og hef ekkert bloggað um það.

Vigdís yfir-tónlistarstrumpur (veit ekki af hverju mér datt strumparnir í hug!!?) á Sólheimum átti afmæli 14.apríl. Þessa dagana er hún ásamt fríðum flokki listamanna að sýna Dýrin í Hálsaskógi. Það eru ennþá þrjár sýningar eftir ef þið hafið áhuga. Ég hef því miður aldrei komið til Sólheima en mér heyrist á Vigdísi að þetta sé algjör paradís og því ekki vitlaust að skreppa í bíltúr - Dýrin í Hálsaskógi er náttúrulega bara klassík!!

Svo átti hún Elín systir mín afmæli 23.apríl. Mér skilst að hún stækki ört þessa dagana enda á hún von á sínu þriðja barni í byrjun ágúst :) Ég hlakka því sérstaklega mikið til að koma heim í lok sumar og knúsast aðeins í krílinu...

---

Það var voða gott að fá pabba og mömmu í heimsókn.. þá gerir maður ýmislegt sem gleymist oft þegar maður býr hérna. Eins og að fá sér bjór með hádegismatnum í Nýhöfn og sitja þar í sólinni og hlusta á götutónlist.. skreppa til Malmö - ódýrara að versla he he.. og fá almennilegt að éta sjö kvöld í röð - og gott að drekka með'ðí!! ;) Annars voru þau gömlu frekar sjálfráða á meðan þau voru hérna enda þurftum við Klaus svolítið að sinna vinnu og skóla. Þau voru mjög heppinn með veður og pabbi var orðinn vel (rauð)brúnn í framan enda duglegur í göngutúrunum á morgnannna - ég held að hann þekki Amager betur en ég eftir þessa ferð!

Þau komu færandi hendi eins og vanalega. Frystirinn er fullur af dýrindis lambakjöti og nóg af osti, reyktum laxi og harðfiski í ískápnum. Ég varð feginn að fá ekkert kúlúsúkk enda nýbúin að klára birgðirnar frá Krumma. Svo beið mín pakki þegar ég kom heim sama dag og þau fóru: kíló af kúlusúkki takk fyrir!!! það kláraðist í gærkvöldi - ehmm..

Það er búin að vera þvílík sumarblíða síðustu daga. Lofthitinn orðinn miklu meiri og fór alveg uppí 18 stig í dag. Flestöll tré byrjuð að laufgast og alls konar yndislegheit. Á leiðinni heim í dag hugsaði ég með mér að berar táslur og opnir skór væri sko bara málið á morgun! En nei nei.. það er spáð rigningu á morgun!

Eru ekki annars alltaf veðurfréttir í lok fréttatíma? ;)

Jæja.. nú ætla ég að poppa í kvöldmatinn! Klaus er nefnilega ekki heima og Private Practise byrjar eftir 10 mín.. ;)

knús,
sd

2008-04-13T11:54:00.005+02:00

Best að láta í mér heyra.

Einhver snertur af bloggleti í gangi. Eða almenn netleti.. þ.e.a.s. ég rétt drattast til að lesa tölvupóstana mína án þess að svara þeim, les blogg annarra án þess að kommenta, skima yfir einstaka fréttasíður án þess í raun að lesa nokkuð nánar..

Annars er mest lítið að frétta.. skóli, vinna, borða og sofa er aðal rútínan hér þessa dagana. Pabbi og mamma koma nú í vikuheimsókn á miðvikudaginn og þá hrekkur maður vonandi aðeins uppúr þessari leiðindarútínu.

Og ég hefði nú ekki átt að fagna vorinu svona snemma í síðasta bloggi. Það er allt búið að vera í gangi þessa vikuna: rok, rigning, hagl, sól, blíða og skítakuldi. Lenti í þessu öllu einn daginn á leiðinni heim úr skólanum.. óhætt að segja að segja að ég var eins og undinn hundur þegar ég drösslaðist inn og ekkert annað en heit sturta kom hitanum í kroppinn aftur. Þar með hvarf allur vorfílingur hjá mér og hefur ekki bólað á honum síðan!

og nú er ég aðallega búin að tala um veðrið þannig að best ég hætti í bili.. ;)

sd

p.s. Klaus er búinn að skrifa heljarinnar ferðasögu frá Guatemala og Panama á www.coffeecollective.blogspot.com ef einhver hefur áhuga. Fullt af flottum myndum! :)

2008-04-04T15:19:00.002+02:00

úff..léttir og vonbrigði.

Prófin búin enn eina ferðina.. mikill léttir í gangi en þvílík vonbrigði með hvernig gekk. Seinna prófið var ömurlega erfitt - náði ekki einu sinni að klára það :( Ég var svo að vona að ég gæti bara gengið þarna út og verið þokkalega örugg með mig, sérstaklega því hitt prófið gekk ekki svo vel heldur, en nei nei.. svo lá ég andvaka hálfa næstu nótt þegar rifjaðist allt í einu upp fyrir mér öll steypan sem ég skrifaði á þessar vesælu prófarkir - í fjórriti! Gæti nú notað heila bloggfærslu í að pirra mig yfir því! ;) En allavega.. ekkert við þessu að gera svosem..gott að pústa út aðeins yfir ykkur - ekki nennir Klaus að hlusta á þetta röfl í mér.

Klaus er búinn að vera á kafi í vinnu síðan hann kom heim en ótrúlegt en satt þá er fríhelgi framundan hjá honum og enginn próflestur hjá mér ;) Við vitum varla hvað við eigum af okkur að gera. Það er búinn að vera yndislegur vorfílingur hér undanfarna viku. Frá því að klukkunni var breytt á sunnudaginn þá hreinlega breyttist lyktin úti og allt varð hlýrra og grænna - eða kannski aðallega í hausnum á mér - og nú er bjart til kl átta á kvöldin. oh, ég held hreinlega að vorið sé komið :) Vona allavega að það verði svona gott um helgina.

En jæja.. skólabækurnar bíða samt núna. Nýr kúrs þegar hafinn - viðskiptalögfræði. Ég svitna bara við að sjá þykktina á bókinni og hvað letrið er smátt. Maj-Britt viðskiptalögfræðingur hlær eflaust af mér núna! ;)

Góða helgi.
sd

2008-03-30T15:36:00.002+02:00

Lotan hálfnuð..

..og ég hefði átt að lesa meira og þrífa minna þarna um daginn. Prófið á föstudaginn gekk ekki alveg jafn vel og ég hefði viljað.. samt ekkert hræðilega. Þannig að nú er ég bara á bókasafninu frá morgni til kvölds - þýðir ekkert að læra heima hjá sér. Seinna prófið er á miðvikudaginn.

Krummi bróðir kom við hjá okkur í vikunni. Færði mér ársbirgðir af íslensku nammi eins og vanalega þegar hann kemur við :) Klaus benti mér pent á að nú ætti ég að reyna að leyfa þessu að endast eitthvað lengur en síðast, kannski tvær vikur eða svo!! Piff.. veit ekki hvað maðurinn er að rugla..og hann veit sko ekkert hvað hann er að tala um! Hann fær að kynnast þessu þegar ég neyði hann einhvern tímann til þess að flytja til Íslands með mér.... ef það veður ekki allt farið á hausinn þarna upp frá það er að segja.. ;)

sd

2008-03-24T17:15:00.003+01:00

Prófþrif

Það kannast nú flestir við það þegar prófalestur er í gangi þá hellist yfir mann óstjórnleg þörf til þess að gera allt aðra hluti - meira að segja að þrífa!! Ég hef sjaldan verið jafn öflug eins og núna.. í þrifunum þ.e.a.s. ekki próflestrinum! Ég er t.d. búin að:
- Þurrka ryk úr gluggum og af gólflistum
- Þrífa ísskápinn
- Skipta um á rúminu
- Þvo tvær þvottavélar
- Handþvo tvær peysur
- Þrífa baðherbergið
- Mála aukaumferð á hurðarkarminn inná baði
- Ryksuga
- Hlaupa þrjár ferðir uppá loft með verkfæra og málningardót
- þurrka af öllum hurðum og eldúsinnréttingu
- Þrífa vaskaskápinn

Svei mér þá ég held ég þurfi ekkert að þrífa aftur fyrr en einhvern tímann í sumar!! ;)

En nú er Klaus minn á leiðinni heim - eða það vona ég. Það er búið að ganga á ýmsu hjá honum síðasta sólarhringinn. Í gær átti að keyra hann á flugvöllinn í Panama sem er 5-6 tíma keyrsla frá búgarðinum sem hann var á. Þaðan átti hann að fljúga til Guatemala, hitta félaga sinn sem var samferða honum út, gista eina nótt og þaðan heim í dag í gegnum Atlanta og París. Nema hvað.. bíllinn bilar á leiðinni á flugvöllinn og hann þarf að húkka sér far á flugvöllinn!! Í Panama sjáiði til!! Hann missti samt af fluginum sínu og ekkert annað flug í boði þann daginn. Eina flugið sem hann fékk var í morgun með millilendingu í Costa Rica. Pælið í rugli!!
Gemsinn hans var hálf batteríslaus þannig að upplýsingarnar hafa verið af skornum skammti. Þeir eru náttúrulega sjö tímum á eftir þarna þannig að hann ætti að vera að lenda fljótlega í Guatemala.. Ég hef ekkert heyrt síðan í morgun enda síminn hans líkalega dauður núna. Hann náði að taka töskuna með sem handfarangur þannig að það hjálpar heilmikið á leiðinni Panama-Costa Rica-Guatemala...
En mikið er ég fegin að hann hafði vit á því að vera ekkert að láta mig vita af þessu fyrr en eftir að hann var kominn heill á húfi á flugvöllinn.. ég hefði gjörsamlega tapað mér úr stressi hefði ég vitað af honum á puttanum einhvers staðar í Panama!! :( Ég geri nú ráð fyrir að sá sem var að keyra hann hafi hjálpað houm að redda sér fari en mér er sama.
Það tekur hann semsagt fimm flug að komast heim - úff - hann verður alveg búinn á því.. en mikið það verður gott að fá hann heim!

jæja.. langaði bara að deila með ykkur þrif-æðinu og hrakfallasögunni hans Klaus.
Bækurnar bíða..

sd

2008-03-20T10:13:00.002+01:00

Gleðilega Páska!

Hér er undarlegt páskaveður.. á kvöldin og yfir nóttina þá er mjög vetrarlegt, snjór og allt! í fyrsta skipti í allan vetur! En svo vakna ég við sólina inn um gluggann uppúr kl sjö á morgnana, snjórinn hverfur um leið og það er yndislegur vorfílingur úti allan daginn..svo snjóar aftur um kvöldið. Búið að vera svona í nokkra daga.. Ef þetta á að vera veturinn í ár þá er ég nokkuð sátt ;)

Annars verð ég ekki alveg jafn einmana um páskana og ég óttaðist. Það er ennþá planið að liggja bara yfir bókunum en ég gerði ráð fyrir að Mie og Rasmus færu til Jótlands yfir helgina. En svo er ekki, þannig að ég fer allavega til þeirra á Páskadag - í smá páskamat og huggulegheit. Mikið er ég fegin.. ;)

Klaus dettur inn í GSM samband hér og þar þarna niðurfrá þannig að ég er farin að heyra aðeins meira frá honum núna. Nú er hann kominn til Panama. Mér skilst að hann hafi hitt forseta landins í gær. Það var nú ekki á planinu áður en hann fór út og ég vona að þetta hafi ekki verið mjög formlegt enda enginn klæðnaður til þess með í töskunni hjá honum ;) Hann er oft mjög þreyttur þegar hann skrifar mér en samt alveg í skýjunum með ferðina.

En jæja.. bækurnar bíða.

Hafið það sem allra best um páskana..
sd

2008-03-18T17:58:00.002+01:00

Tuð!

Þetta ár hefur ekki farið vel af stað þegar kemur að peningabuddunni. Fjórar ferðir til tannlæknis í janúar, tölvan hrundi í febrúar og nú er íslenska krónan algjörlega farin til fjandans!! :(

Hvað er málið eiginlega??

Námslánin rýrna svo mikið þegar ég millifæri þau hingað yfir að ég get næstum því sleppt því. Mikið er ég þakklát fyrir vinnuna mín þessa dagana!

Svo er líka orðið töluvert dýrara að lifa hérna svona almennt síðan ég flutti fyrir tveimur árum. Sérstaklega þegar kemur að matarinnkaupum. Þar er nú smá verðbólga í gangi hér líka þó svo að danskir bankar séu meira uppteknir við að ræða fjárhagslegan vanda annarra landa en þeirra eigin.

Þannig að ég vara ykkur við sem eru á leiðinni hingað á næstunni; aukin verðbólga hér og íslenska krónan í tómu rugli.. Kaupmannhöfn er alls ekki jafn hagstæð lengur fyrir Íslendinga. Kæmi mér ekki á óvart ef það dregur úr verslunarferðum hingað frá Íslandi. Shitt - hvað gerir H&M þá?? ;)

jæja.. ekki meira tuð í bili.

..og ekki nein "iss piss hættu þessu væli!" komment takk fyrir pent! ;)

knús!

2008-03-16T10:53:00.002+01:00

jæja þá..

nú er enn einum fjórðungnum lokið í skólanum og ég að byrja að undirbúa prófin. Við skiluðum inn 30 síðna hópverkefni á föstudagsmorgun og vá hvað það var mikill léttir!! Síðustu dagarnir fyrir skil voru ansi langir og við vorum öll hálf sofandi í síðasta fyrirlestrinum á föstudaginn.
Svo fór ég eftir tíma að hitta Sonju Grant. Hún var í stuttri vinnuferð hérna og við náðum að skreppa saman á The Coffee Collective. Alltaf svo gaman á hitta Sonju.. verst hvað það er alltaf langt á milli hittinga hjá okkur.
Síðan var planið hjá mér mjög agað. Ætlaði heim að þrífa svo ég gæti samviskusamlega hafið lesturinn á laugardagsmorguninn án nokkurra afsakana um að fyrst yrði nú að þrífa höllina... En Casper og Linus plötuðu mig til að skála í víni eftir lokun á kaffibarnum og koma svo með þeim á smá pöbbarölt niðrí bæ. Marete kærasta Caspers bættist í hópinn ásamt fleirum og á endanum var ég ekki komin heim til mín fyrr en hálf þrjú um nóttina. Þannig að það var nú lítið um lestur í gær, þurfti vinna upp svefnleysi vikunnar... og það er svo sem bara allt í lagi. Við skemmtum okkur mjög vel á föstudagskvöldið og það hefði nú verið hálf sorglegt hefði ég bara farið heim að þrífa eftir verkefnaskil og fjórðungslok!! ;)

Það heyrist voða lítið frá Klaus enda lélegt gsm samband þar sem hann er en hann reynir að senda e-mail ef hann kemst í tölvu. Það er vel hugsað um þá þarna þannig að ég hef litlar áhyggjur. Hann fékk skýr skilaboð um að kaupa eitthvað fallegt handa mér fyrst að ég þarf að hanga hérna ein heima og það verður spennandi að sjá hvað kemur út úr því... svona miðað við afríska búninginn sem hann keypti handa mér í Kenýa!! Ó mæ god! Og hálmenið sem hann keypti í Nicaragua.. ;)

En allavega.. læt þetta duga í bili. Hafið það gott elskurnar.

sd

2008-03-07T10:17:00.002+01:00

Komin í samband við heiminn aftur!!

Ó en yndislegt! Er ekkert smá ánægð með nýju tölvuna mína. Keypti hvíta MacBook sem er minni og léttari en mun stærri og hraðari he he.. Hún er algjört æði og Klaus er að drepast úr afbrýðisemi ;)

En það er nú samt ekkert brjálæðislega mikið að frétta síðan síðast. Síðasta mánudag og þriðjudag vorum við í Herning á Jótlandi þar sem fram fór Danska Kaffibarþjónamótið. Ég var að dæma og Klaus var kynnir. Keppnin var vel skipulögð og allt gekk eins og í sögu. Søren Stiller vann loksins. Hann var orðinn frægur fyrir að lenda alltaf í öðru sæti ár eftir ár en loksins tókst þetta hjá honum. Hann stóð sig líka mjög vel. Það keppti enginn frá The Coffee Collective en það voru tveir sem notuðu espressoblönduna þeirra og þeir urðu í öðru og þriðja sæti - og annar þeirra Mikkel Otto varð Sjálandsmeistarinn. Þannig að Klaus og co. voru mjög sáttir með niðurstöðurnar.

Það er nóg að gera í skólanum. Styttist í skilafrest á hópverkefni sem við erum að vinna í núna þannig að helgin verðr löng og ströng.
Klaus stingur af til Guatemala og Panama um miðja næstu viku þannig að þá hefst maraþon próflestur hjá mér - um að gera að nota tímann vel þegar maður er laus við alla "truflun".. ;)

En að lokum.. Elsku besta mamma mín á afmæli í dag!! Til hamingju með daginn elsku mamma! Ég heyri betur í þér á Skypinu seinna í dag.

nóg í bili - læt heyra í mér aftur fljótlega. Ég er allavega límd við tölvuna þessa dagana! ;)

ta ta..
sd

P.s. Sveina, sófinn er all yours 22.júní!

2008-02-26T18:25:00.002+01:00

Ekkert blogg án tølvu!

Mér leidist ad blogga ef ég hef ekki réttu stafina.. thad er kannski léleg afsøkun. En ég er loksins búin ad sætta mig vid ad eg verd ad splæsa í nýja tølvu. Sem betur tók ég samt tíma í ad hugsa málid thví thad komu út nýjir Makkar í dag og ég hafdi ekki hugmynd ad thad væri á dagskrá - nýjar og betri útgáfur á nánast óbreyttu verdi. Madur er bara alltaf ad græda.. ehhmm. Ætla ad panta mér eitt stykki í vikunni.

Svo er líka bara lítid ad frétta. Skólinn á fullu, nóg ad gera í vinnunni, gengur vel á kaffibarnum hjá strákunum (fyrir utan ad Casper handarbraut sig) og lífid gengur bara sinn vanagang.

Stutt núna - vonandi verdur næsta blogg skrifad í nýrri tølvu ;)

ta ta,
sd

2008-02-16T13:52:00.003+01:00

Helst í fréttum..

The Coffee Collective hefur opnad nýja stadinn sinn á Jægersborggade 10 í Nørrebro...og thad er bara búin ad vera fínasta traffík hjá theim fyrstu tvo dagana. Reyndar er thetta lítill stadur og tharf ekki mikid til ad fyllast en vid erum ánægd med ad kúnnarnir eru ekki bara vinir og ættingjar okkar heldur bara alls konar fólk sem vill kaupa gott kaffi af fagfólki. Thad er ferlega fín stemmning tharna hjá theim og verdur ennthá betri med tímanum thegar øll bord og stólar eru komnir í hús og svoleidis. Thad var smá partí í gærkvøldi hjá theim eftir lokun thar sem áfanganum var fagnad í gódra vina hópi - allir ferlega stoltir af strákunum ;) Thetta thýdir vonandi ad ég fari ad sjá Klaus adeins meira heima á kvøldin en sídustu tvær vikur hafa verid mjøg strangar - thad var threyttur og sæll madur sem var farinn ad hrjóta vid hlidina á mér fyrir midnætti í gærkvøldi! Reyndar er hann á leidinni til Portugal í fyrramálid.. í einhverja vinnuferd segir hann! ;) Ég hugga mig vid ad thad er sjálfsagt litil sumarblída í Portúgal á thessum árstíma. Verra er hins vegar ad hann er ad fara til Guatemala og Panama um páskana!! Ég er nett afbrýdisøm thar sem ég hangi bara ein heima ad læra fyrir próf á medan. Skemmtilegt páskafrí eda hitt thó heldur! :(

---

Og eins og thid hafid sjálfsagt heyrt thá eru óeirdir í gangi hér í Køben enn eina ferdina. Hingad til høfum vid lítid ordid vør vid thetta en í fyrrinótt vøknudum vid vid gargandi bílathjófavørn og vonda lykt (vorum med opinn glugga). Thá stód bíll í bjørtu báli fyrir utan hjá okkur!! Klaus hringdi á sløkkvilidid en their voru sem betur fer komnir af stad til okkar. Eldurinn nádi ad eydileggja tvo bíla. Thad litla sem eftir er af ødrum theirra stendur ennthá fyrir utan hjá okkur - frekar sorgleg sjón :( Thad er náttúrulega eitthvad ad fólki sem telur thetta vera áhrifaika leid til thess ad mótmæla nokkrum skøpudum hlut! Semsagt ekkert snidugt ad eiga bíl í Kaupmannahøfn thessa dagana.

---

Ad lokum vil ég senda afmæliskvedjur til hennar Unnar 'litlu' frænku minnar. Ordin 18ára skvísan. Eitthvad hlýt ég ad vera eldast fyrst ég á 18 ára bródurdóttur - hljómar samt betur ad ég eigi bara svona hundgamlan bródur!! he he..
Unnur mín ég hugsadi mikid til thín í gær en vil kenna stífludum haus um ad kvedjan komst ekki til thín á sjálfan afmælisdaginn. Fullt fullt af kossum og knúsum til thín!!

En best ad gera eitthvad af viti núna. Er á bókasafninu í skólanum ad reyna ad koma einhverju í verk. Búin ad liggja í einhverri kvef pest mestan hluta vikunnar og tharf ad vinna ýmislegt upp.

ta ta..
sd

2008-02-10T22:45:00.000+01:00

afmæli afmæli!!

Best ad fleygja inn einni afmæliskvedju. Krummi bródir á afmæli í dag..39 ára!! Ég heimta risa partý á næsta ári! ;) Til hamingju med daginn gamli minn, thad var gott ad heyra í thér í dag.

fullt af knúsi frá litlu sys..

2008-02-09T09:15:00.000+01:00

Lasarus..

..ekki ég heldur tølvan mín :( Ætla ad láta kíkja á hana á eftir. Vona ad thad sé ekkert alvarlegt.. en hún virkar hálf daud greyid. Týpískt ef ég tharf ad splæsa í nýja tølvu núna.. ég vona ekki.

Annars er lítid ad frétta. Skólinn kominn í fimmta gírinn aftur med hópvinnu og tilheyrandi, gengur vel í vinnunni og badherbergid er hvítt og glansandi!! Thad er samt ennthá thurrktímabil í gangi thar en vid hløkkum til ad prófa eftir helgina.

Hafid thad gott elskurnar,
sd

2008-02-01T21:20:00.000+01:00

Operation Baðherbergi..

Aðgerðin er semsagt hafin. Lokaundirbúningur í gangi og fyrsta umferð verður máluð einhvern tímann á morgun. Kemur til með að taka svolítinn tíma miðað við eina umferð af grunni og tvær af málningu með 24 þurrktíma á milli. Svo má helst ekki nota sturtuna fyrr en 5-7 dögum eftir síðustu umferð!! :( Við verðum því reglulegir gestir hjá Rasmus og Mie næstu dagana - maður verður jú að baða sig.
Mikið ofsalega verð ég glöð þegar þetta er búið!

Það eru líka framkvæmdir í gangi í vinnunni hjá Klaus. Þeir fengu nýja húsnæðið afhent í dag. Reyndar voru iðnaðarmennirnir eitthvað á eftir áætlun - er það ekki alltaf svoleiðis.. En strákarnir eru samt byrjaðir að setja saman kaffibarinn :)

Svo er ég byrjuð í nýrri vinnu með skólanum. Hún er nú ekki mjög krefjandi. Sem er kannski ágætt - ekkert sniðugt að vera alltaf með hausinn í fimmta gír er það nokkuð? ;)
Þetta er semsagt fyrirtæki sem heitir einfaldlega Gavekortet Nafnið segir allt eiginlega, fyrirtækið selur gjafakort. Kúnninn pantar á heimasíðunni þeirra frá alls konar fyrirtækjum og ég sit við tölvu og afgreiði þessar pantanir, prenta og útfylli gjafakort og sendi út. Ferlega þægileg vinna og bara í tveggja mínútna labbi frá skólanum. Lítill og kósí vinnustaður og indælt samstarfsfólk. Kem til með að vinna 10-15 tíma á viku sem er alveg mátulegt með skólanum. Auðvitað hefði ég helst viljað finna eitthvað meira tengt náminu en það kemur bara seinna. Þetta fera náttúrulega allt fram á dönsku þarna sem er ágætt. Ég og Klaus erum líka orðin töluvert duglegri við að nota dönskuna hérna heima. Kokhljóðin að verða nokkuð góða barasta ;)

Annars er nú lítið annað að frétta úr þessu andsk.. rigningar og rok rassgati. Maður hjólar hreinlega þversum þessa dagana!!

Góða helgi,
sd

2008-01-26T11:44:00.000+01:00

Nýjasta Mad&Venner - skyldukaup!

Í febrúarblaði Mad&Venner er hvorki meira né minna en 5 síðna umfjöllun um The Coffee Collective í máli og myndum. Á forsíðunni vísar titillinn
4 Cool Kaffedrenge til þeirra og það er meira að segja fjallað um þá í ritstjóraleiðaranum.

Hér er opnumyndin af þeim í upphafi greinarinnar. Ekkert smá flottir!

Frá vinstri: Linus, Klaus, Peter og Casper.

Það sem mér finnst best við þessa umfjöllun er að blaðamaðurinn hafði samband við þá en ekki öfugt. Ný fyrirtæki eru oft með fagfólk í vinnu við að redda umfjöllun og þess háttar auglýsingum. En blaðamaður Mad&Venner hafði samband við þá og ætlaði fyrst bara að skrifa litla grein um nýja vöru. En svo fannst henni og ljósmyndaranum bara svo frábært hvað þeir eru að gera að greinin endaði í fimm síðum!

Ekki slæmt að fá svona umfjöllun þegar styttist í að þeir opni nýja kaffiverkstæðið sitt (þar á meðal kaffibar) í kringum 15.febrúar á Jægersborggade 10 í Nørrebro. Það er hægt að fylgjast betur með gangi mála á coffeecollective.blogspot.com

Ferlega er ég stolt af mínu mönnum! ;)

2008-01-22T17:31:00.000+01:00

Skin og Skúrir í dag..

- Komst að því að ég fékk hæstu einkunn (12) í tölfræðiprófinu :-)
- Skólinn byrjar á mánudaginn en ekki 1.feb eins og ég hélt :-(
- Heimsóknin til tannlæknisins í dag kostaði 1900 dkr!!! :-(
- Ætlaði að henda út öllum fötum sem ég passa ekki lengur í en við nánari athugun (mátun) þá passa ég í þau öll aftur :-)
- Á eftir að fara aftur til tannsa í næstu viku fyrir ca. 1000 dkr - hélt að í dag væri síðasta skiptið :-(

Niðurstaða: skítblankur fýlukarl :-( ..með rótarfyllta tönn.

2008-01-20T10:27:00.000+01:00

Engar myndir fyrr en allt er tilbúið!!
he he.. eða svona næstum því. Það var eitthvað verið að kvarta í kommentum við síðasta blogg að það vantaði myndir af íbúðinni. Það fer kannski að styttast í þetta.. en Maj-Britt hér eru fullt af myndum af Klaus ef hann er eitthvað að blurrast í minningunni ;)

Svo er hér ein af okkur í julefrokost fyrirtækisins heima hjá Linus. Vildi að ég vissi hvað hann var eiginlega að segja...ég horfi á hann með þvílíkri aðdáun að það hálfa væri nóg ;)

sd

2008-01-19T09:53:00.000+01:00

Stúss og aftur stúss..

Janúar er heldur betur tileinkaður íbúðinni í þetta skiptið. Þar sem við fluttum inn um leið og skólinn byrjaði síðasta haust og svo stakk ég af í viku til Mexíkó að dæma tveim dögum seinna, þá var farið beint í að vinna upp skrópið í skólanum þegar ég kom tilbaka í stað þess að koma sér almennilega fyrir.

En nú er frí í skólanum allan janúar.. um síðustu helgi tók ég uppúr síðustu kössunum, magnarinn og dvd spilarinn komust loksins af gólfinu og uppí hillu, í dag verður hengt upp fatahengi frammi á gangi og ég er á fullu að mála kommóðuna hvíta. Svo er aldrei að vita nema baðherbergið verði málað um næstu helgi og að kannski maður kaupi rúllugardínu fyrir svefnherbergisgluggann!! Ég er nú löngu búin að venjast því að sofa með götuljósið úti skínandi í andlitið á mér en vil nú helst ekki strippa mikið meira fyrir gangandi vegfarendur... ;)

Þannig að þetta mjakast allt saman og er að verða bara asskoti huggulegt. Ætli áramótaheitið sé samt ekki að finna hæfilegt borð fyrir espressóvélina - það gæti nú tekið allt árið samt!

Góða helgi..

sd

2008-01-11T16:26:00.000+01:00

Pósturinn Páll og kötturinn Njáll..

Ég fékk þetta lag á heilann um daginn og losna ekkert við það - versta er að ég man bara þessa einu setningu þannig að þetta er hálf þreytandi. Svo er ég svo mikið að reyna að muna hvaða leikari það var sem las inná þessa þætti þegar ég var krakki - var það kannski Bessi Bjarna?? Nei mér finnst eins og röddin hans hafi verið aðeins kvenlegri.. pósturinn Páll var nú svoddan pjattrófa er það ekki?

Aðal ástæðan fyrir þessum pælingum er að ég tók að mér smá afleysingastörf í póstdreifingu núna í janúar fyrst það er frí í skólanum. Þetta er nú ekkert sjúklega skemmtilegt en maður lætur sig hafa það. Þetta eru yfirleitt ekki nema 4-5 tímar á dag en ágætis púl. Þvílíka tröppuþrekið í þessum 5 hæða húsum hérna. Ég get alveg lofað ykkur því að ég er þegar búin að hlaupa af mér jólaspikið, það var nú ekki lengi gert!!

Ég ætla nú að reyna að finna mér eitthverja skemmtilegri vinnu með skólanum þegar hann byrjar en þessi vinna var auðveld að hlaupa inní strax eftir áramótin. Danir eru nú ekki þekktir að afgreiða atvinnuumsóknir á undir 3 vikum þannig að ég vildi ekki eyða öllum janúar í að bíða eftir einhverju svoleiðis.

Janúar dagarnir fara semsagt í þetta.. svo þvælist ég aðeins á netinu í frekari atvinnuleit og algjörlega óþörfum blogglestri hjá bláókunnugu fólki.. svo er ég farin að sinna baðherberginu aðeins aftur. Ég stekk þar inn þegar ég er í stuði til og pússa eina og eina flís en eins og þið vitið að þá er ég komin með krónískt ofnæmi fyrir þessu baðherbergi síðan ég eyddi heilli viku í að skrapa málninguna af flísunum þarna einhvern tímann í haust - kannski að þetta klárist fyrir páska! ;)

Annað er nú ekki meira að frétta héðan úr rigningarbælinu. Bara týpískur rólegheita janúar. Fyrir nákvæmlega ári síðan sóluðum við okkur í Kosta Ríka, þömbuðum Bloody Mary og Piña Colada og fengum að tína kaffiber af trjánum á La Minita kaffibúgarðinum... ég læt mig bara dreyma í þetta skiptið ;)

Góða helgi mín kæru..

sd

2008-01-04T17:38:00.000+01:00

Gleðilegt nýtt ár!

Já svei mér þá, barasta komið 2008! Alveg hreint ótrúlegt. En mér lýst bara vel á það. Árið 2007 var nú samt nokkuð gott. Sló persónulegt met í að ferðast á kostnað annarra og í að búa inná öðrum með alla búslóðina í geymslu út í bæ.

Svo ég útskýri nú betur þá var mikið um ferðalög þar sem ég var að dæma á kaffibarþjónamótum og ferðast með Klaus í boði hinna og þessara kaffifyrirtækja. Byrjuðum t.d. árið í Costa Rica að heimsækja La Minita kaffibúgarðinn sem var sko algjört æði! Svo var ég að dæma í Eistlandi, Þýskalandi og á Íslandi. Stuttu eftir Íslandsferðina fórum við í smá vinnuferð til Barcelona. Mikið var æðislegt að koma þangað aftur, fannst samt hálf skrítið að ég hafði einhvern tímann búið þar. Svo kom smá pása með vorinu hjá mér enda nauðsynlegt að sinna skólanum aðeins ;). Klaus þvældist um Kenýa, S-Afríku og USA á meðan. Svo fór hann aftur til S-Afríku júlí og ég fékk að fara með!! Í byrjun ágúst fórum við til Japan á heimsmeistaramót kaffibarþjóna. Ég dæmdi á mótinu og Klaus rölti um svæðið sem fráfarandi heimsmeistari og lét taka af sér myndir ;). Eftir mótið héldum við svo nokkur námskeið í Tokyo og Kobe með smá túrsitastoppi í Kyoto. Þessi ferð var alveg meiriháttar en það versta við þessar kaffiferðir er að það er lítill tími til að skoða sig almennilega um. Hefði líka alveg getað eytt meiri tíma í S-Afríku enda alveg hrikalega fallegt þar.

Stuttu eftir heimkomu frá Japan fór ég í kærkomið 2ja vikna frí til Íslands og leyfði Klaus að mála nýkeyptu íbúðina okkar sem við fengum óvænt afhenta tveim vikum fyrr enn áætlað var, daginn áður en ég flaug til Íslands.. ehemm... Náði að hitta alveg ótrúlega marga og ekki alveg á jafnmiklum hlaupum eins og svo oft í styttri heimsóknum. Svo kom ég heim í nokkra daga, við náðum að flytja og ég að mæta í örfáa tíma skólanum áður en ég fór til Mexíkó City að dæma á landsmótinu þar. En eftir þá ferð hef ég svei mér þá bara náð að vera að mestu heima hjá mér og reynt að sinna skólanum aðeins betur enn í fyrra - það sést líka aðeins á einkunnunum he he..

Jólafríið á Íslandi var alveg yndislegt. Hvít jól og endalaust mikið af góðum mat skemmtilegum félagsskap, sökkti mér gjörsamlega í sörudallana hennar mömmu! Komst svo hingað til Köben á næstsíðasta degi ársins þrátt fyrir skapmikla veðurguði og átti fín áramót hér. Saknaði nú samt purusteikarinnar hans pabba hrikalega mikið!!

Og nú er kominn 4.janúar sem þýðir að tvær frænkur mínar eiga afmæli í dag - og þær eru nöfnur í þokkabót. Guðný Ósk (systurdóttir mín) er 13 ára og Guðný Jóhannesar (erum bræðradætur) er .. tja.. á besta eldri er það ekki?? ;) Innilegar hamingjuóskir til ykkar beggja elskurnar mínar!!

Þrátt fyrir mörg meiriháttar ferðalög á þessu nýliðna ári þá held ég samt að hápunkturinn hafi verið að komast í varanlegt húsnæði eftir talsverðan þvæling. Það fór nú samt ofsalega vel um okkur hjá Mie þessa rúmu fjóra mánuði sem við vorum hjá henni og krökkunum og hún var voða fegin að hafa okkur á meðan Rasmus var í burtu. Við fluttum svo út í sömu viku og hann kom heim eftir sex mánuði í Afganistan.

Á þessu ári hlakka ég því mest til að klára að koma mér almennilega fyrir hér í litlu holunni okkar og gera hana fína.

ta ta,
sd

2007-12-22T16:48:00.000+01:00

Beðið eftir jólunum..

jamms.. nú er ég loksins komin í jólafrí! :) Prófið gekk vel í gær og svo kláraði ég jólagjafa innkaupin á mettíma. Er ég kom heim blasti við tandurhrein íbúð!!! Haldið þið að hann Klaus minn hafi ekki hamast allan morguninn við að þrífa allt hátt og lágt á meðan ég var í prófinu. Ó hvað það var yndislegt! Svo elduðum við góðan mat og sötruðum jólaglögg fram eftir kvöldi.
Klaus tók svo lestina til Jótlands uppúr hádeginu í dag og ég er bara búin að vera að pakka inn gjöfum og skrifa á síðustu jólakortin sem fara í dreifingu á pósthúsi Öngulsstaðar á aðfangadag. Nú er allt niðurpakkað og klárt og ég bíð bara eftir að tíminn líði! Ennþá tveir tímar í að ég þurfi að koma mér á völlinn.

Mikið vona ég nú að veðrið verði til friðs. Ég slysaðist til að fara inn á veður.is og efst á síðunni var tilkynning um stormviðvörun á suður- og suðausturlandi! Var ekkert smá snögg útaf þeirri síðu aftur.. ég neita að hafa áhyggjur af þessu fyrr en eða ef þess virkilega þarf.

En elskurnar mínar.. hafið það öll sem allra best yfir háðirnar. Megið þið öll eiga gleðileg jól og farsælt komandi ár. Ég vona að ég sjái ykkur sem flest í jólafríinu.

Heljarinnar jólaknúússsssss á línuna,
sd

2007-12-19T14:10:00.000+01:00

Þetta mjakast allt saman..

Afgreiddi eitt próf í morgun og það gekk mjög vel..þrátt fyrir svaka tannpínu sem er búin að bögga mig í alla nótt og í dag :( Er gjörsamlega að drepast í kjaftinum svo ég segi dömulega frá.
Næsta próf er á föstudaginn en ég held ég neyðist til að fara á tannlæknavaktina í kvöld.. vona að ég komist að þar svo þeir geti pínt mig og rukkað mig um morðfjár fyrir..

sd

2007-12-14T14:59:00.000+01:00

Loksins aðventustemmning í kotinu..

Hann Klaus minn er algjörlega að bjarga aðventunni hér á heimilinu. Hér mallar hann glögg nánast á hverju kvöldi - og það er sko ekkert búðarglögg! Hann er álíka metnaðarfullur þegar það kemur að glögg-gerð eins og í kaffigerðinni; allt gert frá grunni, úr lífrænum hráefnum og sko ekkert verið að spara púrtarann né rauðvínið.

ummmm... yndislegt að sötra þetta yfir skólabókunum.

Uppskriftin er hér. Svo setti ég tvo jólasveina í gluggann og þar með eru jólaskreytingarnar komnar í ár. ;)

Góða helgi elskurnar.. passiði nú að fjúka ekki í burtu neitt. Ég vona bara að veðurguðirnir taki skapofsann út núna og hagi sér svo skikkanlega þegar ég þarf að ferðast á milli landa og landshluta í næstu viku.

Hér verður maraþon lærdómur um helgina fyrir utan smá litlu jól með CoffeeCollective genginu annað kvöld.

ta ta,
sd

2007-12-12T08:37:00.000+01:00

Sætur 'sigur'
Við þurftum að kynna verkefnin okkar á mánudaginn. Þetta var eiginlega keppni, milli 18 hópa. Við áttum að setja okkur í spor ráðgjafa fyrirtækis og kynna hugmynd/lausn okkar á verkefninu sem fjallaði um samruna Nasdaq, OMX og Borse Dubai. Um hvaða vandamál gætu komið upp innan sameinaðs fyrirtækisins eftir samrunann vegna ólíkra hugsunarhátta, bafgrunns osfrv. Og við áttum að koma með hugmynd úr hvernig væri best að skapa nýja sameiginlega fyrirtækamenningu og andrúmsloft (fagið er Organizational Behavior). Það var 8 manna dómnefnd á svæðinu: deildarstjórinn, MBA nemar sem hafa verið að stúdera samrunann líka, prófessorar úr deildum tengdum faginu (Communications og Organizational Theory) og kynningarfulltrúi OMX Copenhagen (hún mátti reyndar ekkert kommenta á þetta hjá okkur).

En allavega, það var skemmtileg stemmningin þrátt fyrir stress í loftinu.. formlegheit og allir uppdressaðir. Ég og Anne kynntum okkar verkefni og við vorum á síðustu stundu að breyta textanum okkar því þetta var alltof langt hjá okkur. Ég var svo stressuð að ég man ekki eitt einasta orð sem ég sagði ;) ekki mitt uppáhalds and standa og tala fyrir framan 150 manns! En þetta gekk bara svona svakalega vel - urðum í öðru sæti. Vorum EINU stigi á eftir sigurvegurunum!!! Svo var þriðji hópurinn töluvert á eftir okkur. Ég er ekkert smá ánægð með okkur, átti alls ekki vona á þessu.

Fyrir mig persónulega var þetta sérstaklega sætur 'sigur'. Margir bekkjarfélagar mínir taka sig svo hrikalega hátíðlega og eru góðir með sig, vappandi um í jakkafötum og buxnadrögtm í skólanum, varla orðin tvítug. Ég var því ánægð að sjá að liðin í tveim efstu sætunum voru skipuð fólki sem er tiltölulega vel niðri á jörðinni og eru ekki jafn upptekin af þessum mikilmennskustælum.

Mikið er ég samt fegin að vera búin með þessa kynningu. Bara eitt munnlegt próf eftir í þessu fagi og svo er 4ra tíma skriflegt í tölfræðinni.

10 dagar í jólafrí!!!

sd

2007-12-09T10:12:00.000+01:00

Það er semsagt kominn 9.desember!! Ótrúlegt hvað tíminn flýgur frá manni. Í fyrra lofaði ég sjálfri mér að á þessu ári skyldi ég nú gera pínu huggó á heimilinu á aðventunni.. ehmmm, það hefur nú ekki gerst ennþá!
Það er kynning á verkefninu okkar á morgun og eftir það er bara rúm vika í prófin - daginn eftir prófin er ég svo bara komin til Íslands!! Ó hvað ég hlakka til!! Þrátt fyrir að ég þurfi að skilja Klaus eftir heima.

Ég er nú samt búin að skrifa nokkur jólakort, ein og ein jólagjöf er komin í hús... og já, þá er það upptalið ;) Restinni verður reddað á þeim einum og hálfa sólarhring sem ég hef eftir prófin og fram að flugi ;) Gleymdi að panta jólaklippingu..en hvað með það, jólin koma þrátt fyrir smá rót ekki satt!??

Hér er smá jólakveðja til ykkar.

knús til ykkar allra,
sd

2007-12-03T10:24:00.000+01:00

Ekki fleiri hópverkefni á þessu ári - jeiiiii!
Mikið var það góð tilfinning að vakna í morgun (aðeins seinna en vanalega) og vita að það er engin 12-14 tíma törn í hópverkefna vinnu framundan!! Þannig eyddi ég semsagt helginni en við kláruðum í gærkvöldi og nú er Kristian á leiðinni uppá skrifstofu að afhenda verkefnið fyrir kl.12. Yndislegur léttir - allavega í nokkra daga, svo er kynningin á því í næstu viku.

Þannig að það er greinilega ekki mikið að frétta nema skóli skóli skóli.. Klaus er búin að vera á þvælingi. Var í þýskalandi fimmtudag og föstudag og á Jótlandi um helgina. Ágætt að vera laus við hann þegar svona mikið er að gera.

Í dag er ég að hugsa um að þrífa aðeins íbúðina og þvo þvott - því það gerist sennilega ekki aftur fyrr en eftir prófin 21.des!! Sleppa því að mæta á fyrirlestur - er 'overdosed' af organizational behavior eftir helgina hvort eð er. Svo ætla ég að hitta Sissu og Leif á kaffihúsi einhvers staðar uppí bæ, þau eru hér í nokkra daga. Í kvöld er svo smá afmæli hjá mági mínum. Vona að Rasmus og Mie bjóði uppá eitthvað gott að borða - svona verkefnatörn einkennist iðulega af alls konar fljótlegum, þægilegum en afar óhollum matarvenjum.. ;)

vá hvað ég er orðin kaffiþyrst núna.. best að hella uppá dýrindis CoffeeCollective Kenya Kariaini kaffi.. ummmm ;)

2007-11-27T21:05:00.000+01:00

Ekkert að frétta

..og mér dettur voða lítið í hug að blaðra. Það er bara same old, same old hérna megin. Er í smá afneitun þessa dagana - vil ekki hugsa um hvað er stutt í næstu próf og jólin. Slysaðist til að hugsa um það síðasta sunnudagskvöld og varð þar með andvaka alla nóttina! Þannig að þá er bara best að sleppa því - er það ekki?
Held að það sé smá skólaleiði í mér. Fólkið sem byrjaði í THÍ á sama tíma og ég í jan'04 er að klára núna um jólin. Og ég rétt hálfnuð!! OG ég veit vel að það er svo margt gott sem ég hef upplifað í staðinn en ég væri samt alveg til í að vera búin að þessu.. pirr pirr!

Er búin að vera að þvælast mikið á atvinnuleitarsíðum undanfarið - þarf að finna mér vinnu með skólanum. Langar svo að finna eitthvað tengt náminu en verð hálf vonlaus eitthvað þegar ég les starfslýsingarnar og kröfurnar - og ég með ekkert nema kaffhúsastörf og ljósmyndun á ferilskránni. Ætli maður endi ekki bara á kassa í Nettó svei mér þá!!

Ég fékk nú samt smá gleðifréttir í gær. Fékk barasta fínustu einkunn úr 48 tíma heimaprófinu sem ég vakti yfir alla síðustu nóttina. Ég hef nú aldrei bullað jafn mikið í í þeirri ritgerð og nú er ég ekki að ýkja - þannig að greinilega er eitthvað vit í bullinu í mér!! he he..

sd

2007-11-21T11:09:00.000+01:00

Léttir

Ég þarf að hafa þessa færslu svolítið dulkóðaða svo að betri helmingurinn skilji ekki hvað ég er að skrifa um. Ég er nefnilega svo ánægð með að ég er búin að kaupa gjöfina handa honum fyrir hátíðina í næsta mánuði :) Vá hvað ég er fegin! Síðustu tvö ár hefur þetta verið þvílíkur hausverkur sem ég hef beðið með fram á síðustu stundu að afgreiða. Keypti flík sem ég veit að hann langar í. Hún er í felum heima hjá bróður hans því það eru engir felustaðir hér í holunni okkar.
Þetta er persónulegt met! Hef aldrei keypt jólagjöf svona snemma. Hef oft dáðst af Guðnýju frænku og Elínu systur sem stundum eru búnar með öll þessi innkaup í september!! (eða er ég að ýkja stelpur??)

Nú ætla ég að hætta að dást af þeim og dáist bara af sjálfri mér í staðinn!! he he..

ta ta..

2007-11-17T21:03:00.000+01:00

Enn ein afmæliskveðjan..

Hún elsku besta Maj Britt mín á afmæli í dag. Innilegar hamingjuóskir með daginn elsku vinkona! Vona að allir hafi stjanað við þig í tilefni dagsins..

Maj Britt og Klaus eiga það sameiginlegt þessa dagana að þau eru bæði að kljást við þrjóska sinaskeiðabólgu. En Maj Britt mín, eftir að Klaus sá myndina af þér með gifs á báðum þá hætti hann sko öllu væli!! ;)

Afmælis- og batakveðjur frá okkur báðum.

2007-11-16T18:43:00.000+01:00

Pabbi minn á afmæli í dag!

Til hamingju með daginn elsku pabbi! Maður á besta aldri ;) Vonandi gerið þið nú eitthvað í tilefni dagsins, annað hvort í kvöld eða um helgina. Ég væri nú alveg til í að mæta í smá fjölskyldu dinner um helgina en það verður að bíða í nokkrar vikur.

Talandi um jólin, þá kem ég til landsins á aðfararnótt þorláksmessu (takk Icelandair fyrir frábæra tímasetningar á flugi - eða þannig!)og svo brunum við Höddi og Árný norður strax næsta morgun. Pant hvít jól á Akureyri!! Ein bjartsýn ;)
Svo reyni ég örugglega að koma mér suður þann 28.des, hugsanlega með viðkomu í Borgarnes City, og á flug aftur til Köben 30.des. Jamms, það verður haldið uppá áramót hér í Kaupmannahöfn - spennó..

Góða helgi darlings..

2007-11-14T18:18:00.000+01:00

afmæliskveðja

Nóvember er mánuður afmælanna. Sigrún vinkona er tuttugu og ellefu ára í dag, eins og hún segir sjálf ;) ég er sko sammála henni að þetta hljómar miklu betra er þrjátíu og eins.. he he

Til hamingju með daginn Sigrún mín!!

Annars er lífið hér bara skóli skóli skóli og skítakuldi!

sd

2007-11-13T15:25:00.000+01:00

Áfram Helle!

Það eru kosningar hér í Danmörku í dag. Mér er sagt (af mínum nánustu) að halda með Helle og hennar gengi. Það lítur nú samt ekki of vel út fyrir okkar fólk.. er mér sagt. En við vonum það besta. Klaus fór í rauðum bol í vinnunna í dag í tilefni dagsins og varð hálf hneykslaður þegar ég sagðist ekki eiga slíkan lit í mínum fataskáp.. og það hefur sko ekkert með pólitískar skoðanir mínar að gera - sem eru reyndar hallærislega litlar. Lang oftast kýs ég bara það sem mér er sagt að kjósa - eða bara gleymi því. Það er nú skömm að segja frá þessu.. og ég ætti sennilega að sleppa því.

sei sei..

2007-11-10T18:08:00.000+01:00

Kósí laugardagur

Kærar þakkir fyrir öll kommentin, sms-in og símtölin á afmælisdaginn! Það var æðislegt að heyra frá ykkur öllum. Fimmtudagskvöldið var ferlega huggulegt. Fórum út að borða á Restaurant Rasmus Oubæk sem er franskur veitingastaður, lítill og kósí og sjúklega góður matur!! Og á viðráðanlegu verði sem er ekki verra. Ef þið eruð einhvern tíma hér í bænum á köldum degi þá mæli ég sko með að fara þangað inn og panta steikt Foie Gras með eplum og rauðvínsglas með... ummmm.. það hlýjar manni sko niðrí litlu tá!! Og er alveg hrikalega gott. :)

Í morgun komu svo Rasmus (bróðir Klaus),Mie, Luna og Jonas í brunch. Buðum uppá hrærð egg, beikon, steikta tómata, brauð, brie, eðal spægipylsur, amerískar pönnukökur, nýpressaðan djús, frískandi melónu og hágæðakaffi að sjálfsögðu. Eftir það fórum við Klaus svo niðrí bæ að skoða í búðir til að fá smá hugmyndir af jólagjöfum. Var að vonast til að ég kæmist í smá jólaskap en það er bara svo bjart eitthvað ennþá að það gerist ekki neitt! Það er eins og það þurfti að vera endalaust myrkur úti svo ég komist í gírinn!! En það vantar sko ekki kuldann!

Núna er bara rauðvíns og kertaljósa stemmning í holunni okkar - og eldrauðar kinnar eftir allan vindinn ;)

En elsku Hörður afi minn á afmæli í dag og við óskum honum innilega til hamingju með daginn!

knús,
sd

2007-11-07T20:09:00.000+01:00

Mætt í netheima aftur..

jamms.. erum komin með alvöru net tengingu núna. Það er víst ekki hægt að sníkja netið af nágrannanum alltaf hreint - sérstaklega eftir að hann flutti út og reif allt úr sambandi! he he..

Það er nú mest lítið að frétta síðan síðast - búin að liggja með kvefpest, er nú komin uppúr rúminu en er hálf tuskuleg eitthvað og með mikinn þrýsting í ennis og kinnholum eða hvað sem þetta nú heitir.

Er orðin hundleið á þessu baðherbergi og er ekki lengur með nein markmið í gangi um hvenær á að klára þetta.. það er hvort eð er alltaf lokað þangað inn! ;)

Er síðan í einhverju pirrings kast yfir morgundeginum.. Finnst 31 ferlega niðurdrepandi tala - og miklu miklu verri en 30! Þá er nú gott að eiga ungan og fjörugan kærasta sem ætlar að bjóða gömlu sinni út að borða annað kvöld.. he he ;)

Hmmm.. þetta er nú kannski ekki mitt jákvæðasta blogg.

En ég er nú nýklippt og lituð og bara nokkuð ánægð með það - fór á nýja stofu, helmingi ódýrari en ég er vön að fara. Var soldið stressuð fyrst en svo var bara hárgreiðsludaman íslensk sem auðveldaði öll samskipti. Þær eru víst þrjár íslenskar sem vinna þarna. Ég hafði ekki hugmynd um það. Rambaði bar inná þessa stofu sem er rétt hjá skólanum og bað ekki um neinn sérstakan. Týpískt.

Eru ekki annars allir hressir??

Knús á línuna!!

2007-10-29T22:45:00.000+01:00

Haustid komid?

Ég er thvílíkt búin ad dást ad fallega haustinu hér undanfarid... búid ad vera svo bjart og fallegt og thurrt! Sem er ekki algengt hér á thessum árstíma. En nú held ég ad thad sé skollid á; kalda blauta danska haustid. Mígrigndi í allan dag og á ad gera that út alla vikuna.
Thá var nú gott ad hafa Krumma bró í bænum sem baud okkur út ad borda á lítinn indverskan stad sem galdrar fram heita og vel kryddada rétti sem hlýja manni ad innan sem utan í marga daga á eftir.. ;)

Annars byrjadi nýr fjórdungur í skólanum í dag og mér lýst bara vel á..

Svona í lokin óska ég Maj Britt og Einari til hamingju med skírnina á litla ljósálfinum theirra. Hún fékk nafnid Herdís María. Fallegt nafn. :)

túllí lú,

sd

2007-10-28T21:48:00.000+01:00

Bjartsýn..

..að halda að ég kæmist yfir fyrrnefnda upptalningu í fríinu! Sú hugmynd að ætla að skrapa alla málningu af flísunum á baðherberginu og mála svo aftur er bara eins sú versta sem ég hef fengið lengi!! Þvílík og önnur eins vitleysa!! Er náttúrulega orðin brjáluð í skapinu útaf þessu... Grrrrrrrr! Vona að ég geti byrjað að mála um næstu helgi.

EN það er náttúrulega bara frábært að vera komin með sófa og nýtt sjónvarp inní stofu ;) og Krummi bró kom með ársbirgðir af kúlusúkki þannig að ég er fljót að gleyma brjálæðiskastinu mínu þegar ég kafa ofan í kúlusúkkið og ég teygi úr mér í sófanum og bíð eftir að fjandans málningin hverfi að sjálfu sér!! ;)

Nýr fjórðungur byrjar í skólanum á morgun.. it's back to reality!

ta ta,
sd

2007-10-22T17:45:00.000+02:00

Komin í viku'frí'

úff þvílíkur léttir. fór í síðasta prófið í bili í dag og gekk bara mjög vel. Plúsinn við munnleg próf er að maður fær að vita einkunnina strax og ég er bara mjög ánægð :)

Frábært að hafa komist í prófið svona á fyrsta prófdegi því núna er vikufrí frá skólanum framundan...sumir í bekknum hafa þetta próf hangandi yfir sér fram á föstudag og fá því bara venjulegt helgarfrí áður en næsti fjórðungur hefst.

En hér á mikið að gerast í vikunni..það á að mála baðherbergið, sauma tjöld fyrir fata'skápinn', hengja upp bókahillur og taka því uppúr síðustu kössunum vonandi. ;)
Svo er von á sófanum í lok vikunnar- Jibbí! og við erum búin að sannfæra okkur um að við neyðumst til að kaupa flatskjá sjónvarp til að nýta plássið sem best í þessari litlu holu.. he he.. þannig að kannski bara förum við í það í vikunni líka. Þá ætti þetta nú allt að vera að koma. Vantar reyndar ennþá skrifborð og stól við og einhverja fallega gamla kommóðu og spegil við - svona make-up station ;)

Svo er von á Krumma bróður á morgun í næturgistingu.. hann er að millilenda á leiðinni til Belgíu en stoppar svo vonandi aðeins lengur á leiðinni tilbaka viku seinna. Það verður gaman að fá hann í heimsókn.

en jæja gullin mín.. ég ætla að rölta útí nettó og finna eitthvað gott í matinn. Hver veit nema maður opni rauðvínsflösku á eftir svona í tilefni dagsins - það verður allavega bara afslappelsi í kvöld áður en hasarinn inná baðherberginu hefst á morgun..

túllí lú!

sd

2007-10-19T15:52:00.000+02:00

Sybbin

jæja.. þá er öðrum hluta lokið. Skilaði heimaprófinu kl. 10 í morgun eftir að hafa setið yfir þessu í alla nótt - þetta var drullu erfitt, vona bara það besta. Hef það á tilfinningunni að gæðin á skrifunum hafi ekki þau bestu svona á síðasta sprettinum.. ehhmm..

ég kom heim og lagði mig í þrjá tíma.. núna er ég að reyna að byrja læra aftur fyrir mánudaginn - munnlegt próf sem byrjar með 5 mín kynningu á prófverkefninu okkar síðan síðustu helgi. Kann einhver á Power Point?? ekki ég!! Hef alltaf leyft öðrum að sjá um það í hópkynningum.. nú sit ég uppi með þetta sjálf..svo skipulögð alltaf ;)

geisp geisp..

sd

2007-10-15T13:13:00.000+02:00

Fyrsta hluta lokið..

Við skiluðum inn próf verkefninu okkar áðan - hjúkk it - gott að vera búin að þessu. Búin að vera löng og erfið helgi. Næsta 48 tíma verkefni tekur við kl.12 á miðvikudaginn þannig að ég þarf að nýta tímann vel þangað til. Svo lýkur þessu með munnlegu prófi á mánudaginn eftir viku.

Ég er þreytt - og það er alltaf jafn mikið andlegt sjokk að sá kennitölurnar okkar á forsíðu verkefnanna..ég er yfirleitt 10 árum eldri en restin af hópnum!! Dísess Kræst! Af hverju er ég ekki löngu búin með þetta skóla stúss og farin að lifa 'fullorðins' lífi???

pirr pirr..

2007-10-06T13:41:00.000+02:00

Sólríkur laugardagur

Það er sko ekki hægt að kvarta yfir haustveðrinu þessa dagana.. blankandi sól og 15 stiga hiti. Ekki slæmt... verra þykir mér að ég byrji bloggið mitt á að tala um veðrið - greinilega ekki mikið spennandi að gerast hjá mér þessa dagana.

En ég horfi voða mikið út um gluggann og dáist af sólinni því ég á í raun og veru að vera að lesa skólabækurnar ;) Næsta föstudag hefjast prófin.. eða hluti af þeim. 72 tíma hópvinnu heimapróf. Þarf semsagt að eyða þremur sólahringum með einum hópnum mínum að skrifa ritgerð.. vá hvað við verðum komin með nóg af hvert öðru eftir það! Svo tökum við munnlegt próf hvert fyrir sig sem byggist á ritgerðinni að mestu. Þetta er nú ágætis tilbreyting frá 4ra tíma skriflega prófinu. Hitt prófið er síðan einstaklings 48 tíma heimapróf.

Þessi próf klárast semsagt 22.október. Þá á sko að taka smá skurk hér innanhúss. Mála baðherbergið - veit einhver hvernig á að hreinsa gamla málningu af flísum?? Svo kíkjum við vonandi í IKEA að kaupa nokkra praktíska hluti.. sófinn flotti á að koma um þetta leyti líka.. þannig að vonandi verður komin einhver mynd á heimilið áður næsti fjórðungur hefst í skólanum ;)

Annars gæti orðið stuð í Köben í kvöld. Ungdómshúss fólk hyggst koma sér inn í nýtt hús í dag.. skil nú ekkert í þeim að segja öllum fyrirfram hvaða hús þau ætla sér inní! Nú er auðvitað löggan búin að umkringja húsið og er í viðbragðsstöðu ef til átaka kemur. Ég er hætt að botna í þessu og er bara fegin að búa í hæfilegri fjarlægð frá þessu öllu saman. Ég frétti t.d. ekki af síðustu uppþotum (í byrjun sept) fyrr en daginn eftir...

Að lokum vil ég benda ykkur á nýja flotta heimasíðu The Coffee Collective. Kaffibrennsla Klaus og félaga er að komast í fullt gang, kíkið endilega á hana hér . Á forsíðunni er svo linkur á bloggið þeirra ef þið viljið fylgjast mér hvað þeir eru að bralla.

Góða helgi!

2007-10-02T15:50:00.000+02:00

Verum dugleg að gefa blóð!

Alltof oft gleymir maður því hvað það er mikilvægt að gefa blóð reglulega. Ég bloggaði um Jón Gunnar um daginn sem lenti í alvarlegu bílslysi í síðustu viku.. fyrstu dagana eftir slysið þurfti að gefa honum 40 lítra af blóði! Takk fyrir.. það þarf hvorki meira né minna en 160 blóðgjafa til að safna þessu magni af blóði. Líðan Jóns er stöðug eins og er en honum er ennþá haldið sofandi í öndunarvél og er enn í lífshættu. Haltu baráttunni áfram Jón Gunnar, ég veit þú getur þetta!

Á meðan hvet ég alla sem hafa tök á að gefa blóð eins reglulega og hægt er!

sd

2007-10-01T18:40:00.000+02:00

Til hamingju með afmælið Höddi!

Jamms, maðurinn bara orðinn 32 ára! Úff það þýðir að styttist verulega í 31. afmælisdaginn minn... litlu börn foreldra okkar farin að verða fullgömul fyrir minn smekk!! ;)
En Höddi minn, þetta var nýjasta myndin sem ég fann af okkur saman (skömm að segja frá því).. tekin í sept 2005! En mér finnst hún samt vel við hæfi enda er hann mikill fallgöngugarpur. Þarna erum við að ganga Esjuna og ég held að eina ástæðan fyrir því að ég hafi stungið upp á þessari göngu hafi verið til þess að ganga í augun á honum Klaus mínum. Hann var í heimsókn hjá mér og ég greinilega að sýna honum hvað ég er mikil útiveru-og heilsubótarmanneskja.... ehemmm.. ;) Enginn þörf fyrir svoleiðis blekkingarleiki lengur.. he he.. ;)

En þessi bloggfærsla átti nú að vera um Hödda en ég get náttúrulega annað en blaðrað bara um sjálfa mig...
Innilegar hamingjuóskir með daginn Höddi minn. Vonandi hefur þú gert þér einhvern dagamun.. við erum nú slakir afmælisveisluhaldarar í þessari fjölskyldu.

Afmælisknús frá litlu systur..

sd

2007-09-29T18:49:00.000+02:00

Baráttukveðjur

Ég er mjög dugleg að skoða íslenskar fréttir á mbl.is og ég les alltaf nánar fréttir af slysum og þess háttar. Þegar ég las fréttina í fyrradag um alvarlegt bílslys á Hellisheiði eystri þá hvarflaði það nú aldrei að mér að ég þekkti nokkuð til þar. Í dag frétti ég hinsvegar að Jón Gunnar, gamall skólafélagi okkar Hödda bróður, er sá sem liggur þungt haldinn á gjörgæslu Landsspítalans eftir þetta slys.

Jón Gunnar minn ég sendi þér og fjölskyldu þinni mín sterkustu strauma og baráttukveðjur. Ég vil ekki trúa öðru en að þú náir þér aftur á strik og ég veit að þú færð mikinn styrk frá góðri fjölskyldu og miklum vinahópi.

Hugsanir mínar eru hjá þér og fjölskyldu þinni.

2007-09-23T11:23:00.000+02:00

Lestrarhelgi..

Get ekki sagt annað en að ég sé stolt af sjálfri mér. Núna um helgina (frá fim-lau) var Nordic Barista Cup haldið í Gautaborg. Og ég var heima að læra!!! Þetta er í fyrsta skipti sem ég missi af þessu móti en það hefur verið haldið árlega frá 2003. En það er svona.. einhvern tímann verð ég að setja blessaðan skólann í forgang. Klaus er búin að vera í Gautaborg síðan á miðvikudaginn.. hann var einn af dómurum keppninnar.. og það er víst búið að vera geðveikt gaman.. Andvarp!! Svíþjóð vann og í verðlaun er ferð til Nicaragua í janúar.. ekki slæmt!

Ég er semsagt búin að vera að rembast við heimspekilegar hugleiðingar um aðferðafræði við viðskiptarannsóknir.. ekki beint mín sterkasta hlið.. sérstaklega þegar ég er ca. 500 blaðsíður á eftir með lesturinn eftir Mexíkó ferðine he he.. stundum skil ég ekki alveg hvað maður er að pæla!!

En til að gleðja mitt litla hjarta og sætta mig við þessi 'erfiðu' hlutskipti að missa af NBC 2007 þá keypti ég mér regnkápu á föstudaginn!! :) Búin að leita að góðri regnkápu í eitt og hálft ár! Skil hreinlega ekki hvað er lítið úrval af þeim hérna miðað við hvað rignir fáranlega mikið hérna á veturna.. og jú, á sumrin greinilega líka! Það er reyndar ein búð búin að vera mjög vinsæl en það þýðir að önnur hver manneskja hérna er í sömu skræpóttu regnkápunni sem kostar morðfjár takk fyrir!! Mín var á viðráðanlega verði fyrir fátæka námsmanninn gargar ekki á neinn þó að það séu smá litir í henni. En svo er bara búið að vera glampandi sól og blíða alla helgina!! Ég vil sko fá rigningu til að prófa nýju kápuna mína!! ;) ég þarf nú sjálfsagt ekki að bíða lengi.

túttírú..

sd

2007-09-16T21:43:00.000+02:00

Hitt og þetta..

Jæja það er nú alveg tæp vika síðan ég kom frá Mexíkó... Sú ferð gekk ljómandi vel. Það er alltaf voðalega vel hugsað um okkur dómarana þarna úti. Fórum út að borða á voða fínum veitingastöðum á hverju kvöldi, drukkum gæða tequila og skemmtum okkur vel. Keppnin gekk eins og í sögu og Salvador, meistarinn frá því í fyrra varði titilinn. Við náðum aðeins að skoða okkur um í borginni..fórum t.d í hús Fridu Kahlo og röltum um í huggulegum borgarhlutum sem ég man ekki hvað heita... ehhh.. ;) Kíktum á markað en ég fann ekkert sem mig langaði að kaupa.

Svo kom ég heim með einhverja magakveisu og jafnaði mig eiginlega ekkert fyrr en á fimmtudaginn. Drattaðist nú samt í skólann flesta dagana enda veitir ekki af ;) Helgin hefur aðallega farið í að taka uppúr kössum og reyna að skipuleggja eitthvað hér innanhúss.. þetta er nú allt að koma en samt svolítið tómlegt hér í stofunni vegna sófaleysisins ;) En við erum mjög afslöppuð yfir þessu og ekkert stress í gangi. Baðherbergið er sennilega næst á dagskrá... þegar ég nenni ;) Það fer voðalega vel um okkur hérna og ég er ástfangin af uppþvottavélinni okkar!! Finnst ég vera að græða þvílíkan tíma á því að þurfa ekki að standa í uppvaski lengur.. he he..

Svo fékk ég gleðifréttir í gærmorgun - Maj-Britt vinkona eignaðist litla stelpu á föstudaginn!! :) Allt gekk vel og litla fjölskyldan í Borgarnesi er náttúrulega í skýjunum. Innilegar hamingjuóskir til ykkar aftur elsku Maj-Britt mín!! Hlakka til að sjá myndir af skvísunni ;)

þangað til næst...

sd

2007-09-02T14:11:00.000+02:00

Flutt inn í eigin íbúð og farin til Mexikó ;)

Æi þið verðið að fyrirgefa bloggleysið þessa dagana. Eftir að hafa eytt tveimur æðislegum vikum heima á Íslandi í félagsskap góðra vina og ættingja þá kom ég beint heim til Köben í skólann og málningarvinnu. Búið að vera brjálað að gera að sinna skóla og íbúðinni á sama tíma... náðum svo loks að flytja í gær! Íbúðin er semsagt troðfull af kössum og dóti núna og á morgun sting ég af til Mexikó til að dæma á kaffibarþjónamótinu þar. Við komum semsagt bara til með að taka okkar tíma í að koma okkur fyrir... pöntuðum t.d. sófa í gær og fáum hann ekki afgreiddan fyrr en í lok október!! ehhm.. erum ekki alveg nógu vel skipulögð í þessi öllu saman.

En nýja addressan er þessi:
Kornblomstvej 7, 1.tv.
2300 København S

Við sváfum yndilega vel á nýja heimilinu okkar :) Þið fáið myndir þegar við erum búin að koma okkur þokkalega fyrir...

Best að hald áfram að taka uppúr kössum.. ;)

ta ta..

sd

2007-08-12T08:02:00.000+02:00

Fleiri myndir á Flickr

Klaus er búinn að vera gjörsamlega ofvirkur að hlaða inn myndum á Flickr síðuna sína.. úff hvað ég er fegin að þurfa ekki að standa í þessu ;)

Það eru meðal annars komnar inn myndir frá Ástralíu - kominn tími til!!! og Barcelona.
Costa Rica myndir ættu að koma inn fljótlega..

Flickr

Svo er líka kominn linkur beint inn á síðuna hér til hægri.

knús,
sd

2007-08-10T18:03:00.000+02:00

Nýjar myndir, próflestur og stress..

Er búin að vera með nefið ofan í bókunum síðan ég kom heim frá Japan.. prófið er á mánudaginn og ég get ekki beðið eftir að vera búin að þessu!! Ferðin til Japan var algjört æði.. Heimsmeistaramótið gekk hrikalega vel.. ofsalega vel skipulagt hjá Japönunum. James Hoffman frá Bretlandi tók við titlinum af Klaus og átti það svo sannarlega skilið. Í fyrsta skipti frá upphafi keppninnar var enginn keppandi frá norðurlöndunum í úrslitunum.. en Lene danska og Imma íslenska voru nú ansi nálægt því.. enda stóðu þær sig alveg hrikalega vel!! :) Þetta leiddi nú samt til þess að ég fékk að dæma í úrslitunum og mér fannst það sko ekkert leiðinlegt ;)

Eftir mótið héldum við svo nokkur námskeið bæði í Tokyo og Kobe.. og svo fengum við einn dag til að túristast í Kyoto sem var sko algjört æði þrátt fyrir 35 stiga hita og bullandi raka. Það var þvílíkt hugsað vel um okkur. Það var t.d. mikið lagt upp úr því að veitingastaðirnir sem við fórum á væru sko eins hefðbundnir og hægt væri. Við smökkuðum alls kyns mat sem við vitum enn ekki hvað var.. en flest smakkaðist vel ;) Var bara orðin helvíti flink með prjónana í lokin en samt orðin pínu þreytt á hrísgrjónum í öll mál. Svo lærðum við líka að borða sushi á réttan hátt.. ég fékk sko aldrei nóg af því!!

Klaus er kominn með Flickr síðu þar sem hann er búin að hlaða inn öllum myndunum.. og meira segja frá S-Afríku líka.. kíkið endilega hér!
Það var mikil upplifun að prófa Kimono-inn og þetta er eitthvað sem allir ættu að prófa ef þeir komast til Japan! ;)
Þegar þið skoðið myndirnar passiði þá bara að deyja ekki úr leiðindum yfir öllum kaffimyndunum!! he he..

En nú fer að styttast í að ég komi heim.. hlakka til að komast heim í smá afslappelsi. Er búin að vera ein taugahrúga síðustu daga. Gengi íslensku krónunnar er alveg að fara með fjárhaginn minn.. einmitt þegar ég þarf að fara að millifæra útborgunina fyrir íbúðinni. Þannig að plís veriði dugleg að bjóða mér í heima eldaðan mat og huggulegheit frekar en að standa í endalausum hittingum á rándýrum íslenskum kaffihúsum ;)

Hlakka mikið til að sjá ykkur!!

knús,
sd

2007-07-28T09:13:00.000+02:00

Farin til Tokyo

Vildi bara kasta á ykkur kveðju áður en við leggjum í hann. Erum á fullu að klára að pakka og svoleiðis. Ferðin leggst vel í okkur og það verður spennandi að sjá hver verður næsti heimsmeistari kaffibarþjóna..vona samt bara að við náum að sjá eitthvað af Tokyo en svo verðum við líka í Kobe og Kyoto.

Svo vil ég líka benda ykkur á nýjan link hér til hægri; The CoffeeCollective. Þetta er nýja fyrirtækið þeirra Klaus og félaga! Heimasíðan sjálf verður tilbúin í byrjun ágúst en þangað til þá blogga þeir um ganga mála. Þetta verður flottast kaffibrennslan í bænum... fylgist með! ;)

ta ta..

sd

2007-07-23T16:13:00.000+02:00

Afmælisbörn dagsins:

Elsku hjartans Klaus minn á afmæli í dag! Hann er orðinn 27 ára..bara alveg að ná mér! ;)
Við fórum í brunch í morgun niðrí bæ áður en hann fór í vinnuna og svo er von á vinafólki í mat í kvöld.. bara hugguleg stemmning.
Hér erum við hinsvegar uppi á Table Mountain í S-Afríku:

Svo er líka Unnur amma mín í Skálpagerði áttræð í dag. Innilegar hamingjuóskir aftur með daginn amma mín! Það var gott að heyra í ykkur afa í dag. Þau eru ásamt börnum og barnabörnum í Mývatnssveit í dag í tilefni dagsins.

Svo á hann José Luis frá Perú líka afmæli. Ég styrkti hann í gegnum SOS barnaþorpin í ca. 12 ár.. en hann varð víst 18 ára fyrir 2-3 árum síðan og þar með fullorðinn og genginn í herinn.. hef ekki heyrt frá honum síðan. ;)

ekki fleiri afmæliskveðjur í bili.. knús á línuna!

sd

2007-07-22T19:48:00.000+02:00

Lesturinn hafinn á ný...

Júbbs, það þýðir ekkert annað.. reyndar er prófið ekki fyrr en 13.ágúst en við verðum í Japan 28.júlí-8.ágúst þannig að það er eiginlega skuggalega stutt í það.

Við komum tilbaka frá S-Afríku á þriðjudaginn eftir vel heppnaða ferð. Fyrstu fimm dagana var stíft prógram frá morgni til kvölds.. við héldum námskeið fyrir kaffibaraþjóna alla dagana og svo var yfirleitt farið út að borða á kvöldin. Okkur var gjörsamlega spillt með dýrindis mat, víni og ostum. Svo í lokin höfðum við næstum þrjá daga til að skoða okkur aðeins um. Við leigðum okkur bíl í tvo daga og keyrðum um vínlöndin í kringum Cape Town og niður eftir þverhníptri strandlengjunni. Landslagið þarna er alveg stórkostlegt. Klaus tókst meira að segja að mana mig uppá Table Mountain sem er ægifagurt fjall sem gnæfir yfir borgina. Það er sko ekki mitt uppáhald að ferðast í kláfum sem hanga á einhverjum vafasömum köplum... ;) en það var sko sannarlega þess virði. Þessa síðustu daga tókum við nú slatta af myndum en höfum ekki haft tíma til að tæma myndavélina síðan við komum heim. Lofa að bæta úr því fljótlega... ehemm..hef heyrt þennan einhvern tímann áður ;)

Flugið heim var langt og leiðinlegt.. ég held að flugáhafnir stelist stundum til að takmarka súrefnisskammtinn í svona næturflugum svo það fari minna fyrir farþegunum. Það var óbærilega heitt og loftlaust og ferlega langt að líða (11.5 tíma flug)..svo tók við fjögurra tíma hangs í Amsterdam og tveggja tíma hangs hér á Kastrup þar sem helmingurinn af töskum farþeganna varð eftir í Amsterdam!! Þar á meðal okkar!! Hundrað manns hentust því í röð til að tilkynna fanangurs missirinn við þjónustuborð þar sem fjórir voru að afgreiða... vá hvað var síðan gott að komast heim í rúmið sitt :) töskurnar komust fljótt heim í þetta skiptið næsta dag.

Síðustu dagar fóru í að þramma götur miðborgarinnar til að finna afmælisgjöf handa kærastanum.. (hann á sko áfmæli á morgun) og hún fannst loks í gær.. þannig að nú get ég andað rólega og reynt að einbeita mér að lestrinum. Við gerum nú samt eitthvað huggó á morgun.. en annars er það EKKERT nema lestur næstu daga!!

og hana nú!!

2007-07-06T21:07:00.000+02:00

Allt á floti alls staðar..

Jamms.. Eitthvað er nú að stytta upp núna en ég veit ekki hvað það endist lengi. Það hefur sem betur fer ekki flætt neitt inná okkur en það er rosalegt að sjá ástandið sums staðar rétt fyrir utan Kaupmannahöfn - allt gjörsamlega á floti.

Mér bauðst líka að vera að vinna á Hróarskeldu hátíðinni eins og í fyrra... Vá hvað ég er fegin að ekkert varð úr því!! Þvílíkt drullusvað!!

En að betri fréttum... við skrifuðum undir pappíra í dag varðandi kaupin á íbúðinni! Gott að geta gengið frá þessu áður en við förum til S-Afríku. Nú þarf bara að skrapa saman peningana fyrir 14.ágúst. Ég kem þar af leiðandi til Íslands sæl og auralaus! ;)

Erum að hamast við að pakka... flug kl.6 í fyrramálið. Júlí er kaldasti og blautasti mánuður ársins í S-Afríku!! Þannig að við losnum ekkert undan rigningunni í bili!!

Þangað til næst - hafið það sem allra best..

sd

2007-07-04T10:24:00.000+02:00

Nýtt símanúmer..

Jamms ég er komin með nýjan síma og nýtt númer. Kaupi aldrei Samsung aftur! Í gær var ég að reyna að senda ykkur flestum hóp sms af netinu (vodafone.is) með nýja númerinu...eða til þeirra númera sem ég man sjálf ;) Látið mig endilega vita þau sem hafa fengið skilaboðin... er sko að reyna að nýta mér þessa fríu þjónustu þar sem síðasti símreikningur var skuggalega hár.. ehemm..
Svo á ég eftir að flytja símaskránna úr gamla símanum yfir í nýja.. kann ekkert á svona dót. Fyrst að kærastinn er kominn heim þá ætti hann að geta hjálpað mér við þetta ;)

So darlings.. sendið mér endilega komment eða sms ef þið hafið fengið skilaboðin...eða ekki.

tusind tak!

sd

2007-06-29T22:27:00.000+02:00

Smá blaður..

Aðalplönin mín fyrir sumarið (fyrir utan ferðalögin) voru að njóta sumarblíðunnar og liggja í sólbaði, finna íbúð og æfa mig í dönsku. Ég er búin að finna íbúðina..hér hefur rignt nánast non-stop í tvær vikur og ég er ein í kotinu og flestir sem ég þekki í sumarfríium eða á kafi í vinnu.

Undanfarna daga er ég búin að afreka að hanga inni og horfa á a.m.k. 50 þætti af Grey's Anatomy á TV Links, er inni í öllu slúðrinu sem birtist á People.com og augnbrúnirnar mínar hafa aldrei verið jafn vel plokkaðar.

Og ég er að skrifa CV svo ég geti sótt um vinnu með skólanum.. Ég verð 31 árs á þessu ári og ég hef aldrei áður skrifað CV vegna atvinnuumsóknar... eða bara þurft að skrifa formlega umsókn vegna vinnu! Pælið í því!! Á Íslandi hef ég alltaf fengið vinnu í gegnum fólk sem ég þekki eða kannast við.. maður hringir bara eða mælir sér mót við einhvern og spjallar aðeins.. Dísess kræst hvað ég er spillt! Hérna er ég bara enn einn útlendingurinn í atvinnuleit sem talar lélega dönsku!

Þetta er nú hálf vandræðalegt ;)

2007-06-25T21:27:00.000+02:00

Húsnæðismálin að reddast :)

já loksins er eitthvað að gerast.. Við höfum ákveðið að festa kaup á "andelsbolig" hér á Amager, rétt hjá þar sem við erum núna :) Ég er ferlega ánægð með þessa ákvörðun og hlakka mikið til að koma mér almennilega fyrir.

Andelsbolig þýðir að þá er maður í raun að kaupa hlut í sameignarfélagi um heilt fjölbýlishús eða bara nokkra stigaganga, þau eru mjög misstór. Þá er íbúðaverðið töluvert lægra en venjulegt fasteignaverð og einnig er greitt mánaðargjald sem fer í alls konar viðhald, tryggingar og fasteignaskatt. Það getur verið mjög erfitt bara að fá að skoða svona íbúðir því yfirleitt eru biðlistar eftir þeim og ef þær eru auglýstar hafa miljón manns samband og bjóða jafnvel seljandanum peninga undir borðið til þess að fá íbúðina. En við vorum fyrst til að koma og skoða íbúðina og vissum um leið og við gengum inn að þarna gætum við sko alveg búið og málið var afgreitt!

Þetta er mjög dæmigerð 2ja herb. dönsk íbúð, með fallegu trégólfi og baðherbergi sem er 1,5 fm2! Það er nú samt pláss fyrir sturtuhengi þannig að maður er ekki í sturtu yfir bæði vaskinum og klósettinu. Hún er ekki nema 57 fm2 en vel skipulögð og björt. Nýtt eldhús (2ja ára) með innbyggðum ískáp/frysti, gaseldavél og uppþvottavél... og nóg pláss fyrir espressóvélina!! ;) Bara fínustu byrjendakaup og dugar okkur sko alveg í nokkur ár!!
Til þess að byrja með ætlum við bara að mála. Svo verður kannski freistandi að opna betur hurðirnar inní eldhúsið og stofuna (svipað eins og ég gerði á Ránargötunni) og gera eitthvað við blessaða baðherbergið..en það er alls ekki nauðsynlegt strax.

Við fáum afhent 1.sept sem hentar mjög vel.. við erum alltof upptekin af ferðalögum í sumar til að standa í þessu fyrr.. og Mie er mjög ánægð með að við flytjum ekkert frá henni fyrr en Rasmus er komin heim.

Þetta verður nú alveg drullustrembið.. aldrei auðvelt að borga af íbúð á námslánum! Þannig að ætli ég reyni nú ekki að finna mér einhverja aukavinnu með skólanum og minnki nú aðeins öll þessi ferðalög.. maður getur víst ekki allt!

Það er því ágætt að ég nái að heimsækja þrjár heimsálfur áður en frelsinu lýkur ;) Suður Afríka var nefnilega að bætast við ferðalagalista sumarsins!! Klaus var ráðinn í meiri vinnu þar og vinnuveitandinn bauð mér með. Ég næ því að ferðast til S-Afríku, Japan og Mexíkó (og auðvitað Íslands) á næstu þremur mánuðum.. Svo tekur raunveruleikinn við og kapphlaupið við að borga reikningana sína!! ;)

ta ta..

sd

p.s. síminn minn en dauður..gæti þurft að fá mér nýtt númer, læt ykkur vita.

2007-06-18T09:28:00.000+02:00

Er ekki kominn tími á blogg?

Það er svo sem ekkert mikið að frétta.. Sumarfríið mitt byrjaði með þvílíkri hitabylgju, glampandi sól og 25-30 stiga hita nokkra daga í röð. Hér var grillað kvöld eftir kvöld, legið í sólinni, vinir heimsóttir í Malmø (grillað þar líka) og ölið þambað. En svo er líka búið að rigna stanslaust í fjóra daga núna þannig að freknurnar tíu sem ég náði mér í í hitabylgjunni eru horfnar! ;)
Ég hef samt notað tímann í rigningunni vel. Sótti sumavélina fínu í geymsluna og er búin að breyta nokkrum flíkum sem ég var ekki nógu ánægð með og notaði því aldrei. Gerði pils úr einum kjólnum..annar kjóll breyttist í topp og tveir sumarkjólar voru þrengdir.. ó hvað ég er ánægð með saumavélina mína!! :)

En það er gott að komast í smá frí frá skólanum.. síðasta prófið var hræðilega langt og erfitt en niðurstöður fást ekkert fyrr en eftir ca. 4 vikur... og því ekkert hægt að gera við því núna annað en að njóta lífsins.

Luna greyið (11 ára) er inni á spítala. Hún slasaði sig í fótbolta í gær og eftir margra klukkutíma prósess á slysó kom í ljós að hún braut upphandlegg svo illa að hún þurfti í aðgerð til að koma brotinu saman aftur. Þær mæðgur þurftu því að gista á spítalanum. Jonas (5 ára) er því með okkur í dag..og honum finnst sko ekkert leiðinlegt að hanga með Klaus frænda sínum! Málið er að eftir að Rasmus fór aftir til Afganistan eftir fríið að þá er Jonas búinn að vera rosa lítill í sér.. er ekki alveg að skilja hverju pabbi hans þarf að vera að þvæla þetta. Þannig að þegar Klaus kom frá Afríku þá tók Jonas algjöru ástfóstri við hann og núna má sko t.d. enginn hátta hann á kvöldin nema Klaus! Mie finnst þetta sko bara fínt og ég held að Klaus hafi bara lúmskt gaman af þessu ;) Ég vona að það fari ekki alveg með litla skottið þegar Klaus fer til Mexíkó á sunnudaginn...

Annars er ég sennilega líka á leiðinni til Mexíkó! En ekki fyrr en í september..til að dæma á Mexíkóska kaffibarþjóna mótinu. Þannig að ég er strax byrjuð að plana skróp á næsta skólaári..ehhh..

En allavega.. ég á skemmtilegt stefnumót í dag! Guðný Ósk systurdóttir mín er Kaupmannahöfn! 12 ára skvísan! Hún er að heimsækja ættingja úr föðurfjölskyldunni sem búa rétt fyrir utan Köben. Við hittumst reyndar líka á föstudaginn og ég aðstoðaði hana við smá powershopping í H&M. Í dag ætlar Ósk (föðursystir hennar) að skutla henni í bæinn til mín svo við getum hangið aðeins og svo fer ég með henni í lestinni til Solrød Strand og við borðum saman hjá Ósk og familíu - huggulegt plan ekki satt?

Þá segi ég bara til hamingju með gærdaginn elskurnar! ;)

sd

2007-06-07T13:06:00.000+02:00

24 tímar í sumarfrí!! ;)

..og tæplega það meira að segja og samt finnst mér ég ekki neitt vitrari síðan síðast þrátt fyrir að hafa hangið yfir bókunum. (?) Úti er sannkölluð bongóblíða og það verður yndislegt að komast í lunch með stelpunum úr skólanum á morgun, strax eftir prófið. Ég hjólaði aðeins í gegnum miðbæinn í gær og öll kaffihús og veitingastaðir með borð úti voru troðfull og æðisleg stemmning. Í gær varð ég að láta mér nægja að hjóla bara framhjá en á morgun verð ég akkúrat þarna!! Með eitthvað gott að borða og kalt hvítvín!! ;) Svo ætla ég að fara og kaupa mér sumarkjól í tilefni dagsins :) Um kvöldið er nefnilega smá hittingur og þemað er 'sumarkjólar og opnir skór'...

Svo er elsku Klaus kominn heim :) Og kom meira að segja degi fyrr en ég átti von á. Eitthvað hafði ég ruglast með dagsetningar og hann kom heim gærmorgun eftir velheppnaða ferð til S-Afríku og Kenýa. Æ hvað er gott að hafa hann heima núna - í 3 vikur eða svo því þá stingur hann af til Mexco City. Við ætlum að hafa það ferlega huggó um helgina.. það er spáð bongóblíðu og helst viljum við fara bara í einhvern garð með góðgæti og svalandi drykki og hanga þar og láta sólina sleikja okkur.

Æ hvað lífið er ljúft!

sd

2007-06-04T19:06:00.000+02:00

4 dagar í sumarfrí!!

..og ég get ekki beðið! Er alveg komin með gubbuna fyrir þessum lestri og er öll orðin meira og minna skökk og stíf í skrokkinum. Gamla greyið! ;)

Annars er alls ekki neitt að frétta.. bara komin með algjörlega nóg af því að hanga svona með sjálfri mér. Mér finnst ég sko frekar glataður félagsskapur!! Mér verður nú samt meira úr verki af því að læra ein því ég fer bara eitthvað að kjafta ef ég læri of mikið með öðrum. Ætla samt að hitta eina bekkjarsystur mína á morgun svo við getum borið saman bækur okkar. Ó já, eins og þið sjáið, margt spennandi að gerast!!

Var í prófi í morgun.. gekk bara skítsæmilega. Og ég er hætt að svara sms-unum frá Klaus þar sem hann segir frá ævintýrum sínum í Kenýa. Hef sko engan áhuga á safari ferðum, viltum ljónum, fílum eða gíröffum... oj bara. Hverjum er ekki sama??! ;)

pirr pirr pirrr... :(

sd

2007-05-30T23:20:00.000+02:00

Rugluð í Ríminu..

Það er eitthvað eirðarleysi í mér í dag. Er búin að vera ótrúlega dugleg að læra undanfarna daga en í dag gat ég varla setið kyrr í 5 mínútur.. fann mér alltaf eitthvað annað að gera. Á endanum dreif ég mig út í göngutúr í ca. 40 mín til að hreinsa hugann. Svo settist ég niður aftur.. var góð í ca. hálftíma en svo var þolinmæðin þrotin á ný. pirr pirr.. Ég hefði sennilega bara átt að taka mér frí frá lestri í dag. Þannig að núna er ég bæði pirruð yfir því að hafa ekki áttað mig á því fyrr og á sama tíma með samviskubit yfir því hvað mér varð lítið úr verki í dag!! Ég er þegar komin með prófhnút í magann þó að það séu heilir fimm dagar í fyrra prófið - á ekki svona lagað að eldast af manni hvernig er þetta eiginlega???!

Svo er ég á sama tíma drullufeginn yfir því að Klaus er í burtu svo ég fái 'frið' til að læra en svo sakna ég hans líka svo hræðilega mikið að ég að ég veit ekkert hvernig ég á að vera.. :( Hann er nú kominn til Kenía eftir rúma viku í Cape Town, S-Afríku og kemur heim aftur á fimmtudaginn í næstu viku.

Þannig að ég veit ekkert í hvorn fótinn ég á að stíga þessa dagana.. andvarp!!

En það eru samt góðar fréttir! Ég er búin að kaupa flugmiðana til Íslands!! :) Kem til landsins um kvöldið 14.ágúst og verð í fimm daga í Reykjavík. Fer svo norður með millilendingu í Borgarnesi. Held að ég nái viku fyrir norðan, flýg svo tilbaka 27.ágúst. Klaus ætlar að reyna að koma yfir langa helgi í lokin og vera samferða mér tilbaka en það kemur í ljós á næstu vikum.

Ó hvað ég hlakka til!!! :) er sko ekkert rugluð í ríminu hvað það varðar!!

Góða nótt elskurnar,

sd

2007-05-24T22:34:00.000+02:00

Eitt lítið blogg fyrir háttinn..

Æi hvað það gladdi mitt litla hjarta að fá öll þessi komment frá ykkur - þó að ég hafi þurft að reka pínu á eftir þeim hehe.. ;)

Hérna megin eru síðustu fyrirlestrar skólaársins að klárast á næstu dögum og ég er smám saman að hrökkva í lesgírinn. Blessuð blíðan truflar samt einbeitinguna en 'sem betur fer' er spáð þrumuveðri alla helgina þannig að ég ætti að geta haldið mig inni ;)

En meira varðandi heimsóknina í ágúst. Þónokkrir búnir að spyrja um dagsetningar.. ég kem um eða uppúr miðjum ágúst, sennilega 15.-17. ágúst.. fer allt eftir dagsetningunni á prófinu (og úrvali af flugferðum þegar skólinn drattast til að staðfesta dagsetninguna) og verð vonandi í 2 vikur. Líklegast flýg ég til Rvk og verð nokkra daga þar.. kem mér svo norður og vonandi með viðkomu í Borgarnesi að kíkja á bumbulínuna þar (kannski maður fái barasta að gista í nýju höllinni Maj Britt??). Nú ef ég þekki eina frænku mína rétt þá spyr hún núna hvort ég komi ekki líka við á Króknum á leiðinni norður??? En Guðný mín ég vil frekar koma mér beint norður frá Borgarnesi og betla síðan einhvern einkabíl til þess að kíkja aftur á ykkur svo ég þurfi ekki að vera háð einhverjum blessuðum rútugörmum endalaust. Vá hvað er langt síðan ég hef komið á Sauðárkrók!!

En jamms, vonandi næ ég viku fyrir norðan og get flogið þaðan aftur til Köben. Og ég segi bara ég ég ég.. veit nefnilega ekki ennþá hvort Klaus kemst með :( Það verður sennilega mikið að gera hjá honum á þessum tíma en ég nenni sko ekkert að bíða eftir því að hann hafi tíma til þess að koma með mér!! Vonandi kemur hann bara beint til Akureyrar í lok dvalarinnar og verður svo samferða mér heim. Sjáum bara til.. en svona er planið í bili.

En elskurnar mínar.. ég ætla að koma mér í bólið - langur dagur í skólanum á morgun.

Góða nótt börnin góð!

sd

2007-05-15T17:54:00.000+02:00

Sumarplön..

Ég hef nú aldrei verið þekkt fyrir að standa við langtímaplön en vonandi ræð ég við að skipuleggja næstu þrjá mánuði eða svo.. ;)

Nú er fyrsta árið í CBS alveg að klárast..síðasta prófið er 8.júní. Þá verð ég búin að afreka að klára 1sta árið í viðskiptafræði TVISVAR!! Með mismunandi áherslum samt.. svaka stolt eða þannig!! Ég væri sko að klára námið núna um áramótin hefði ég haldið áfram í HR!! En það er svona.. hvað gerir maður ekki fyrir ástina?! ;)

En áfram með plönin.. svo hef ég ca. 6 vikur til að spóka mig í dönsku sólinni, lifa á kærastanum, finna íbúð og æfa mig í dönsku!!

Eftir miðjan júlí hefst undibúningur fyrir fjandans upptökuprófið.. svo skjótumst við til Tokyo í rúma viku um mánaðarmótin júlí/ágúst til að dæma á Heimsmeistaramóti kaffibarþjóna. Kem svo heim, held áfram að læra og rúlla upp helv..prófinu í viku 33! Eins gott að skólinn standi við dagsetningarnar!! ;)

Svo er planið að ljúka sumrinu á mínu ástkæra Íslandi strax eftir prófið og vera vonandi í allavega 10 daga :) Gæti þurft að skrópa nokkra daga í skólanum, en það yrði sko ekkert nýtt.

Þetta er ég búin að skrá mjög vandlega í dagbókina mína eins og sannur Dani - þeir plana sko ekki eina einustu bíóferð án þess að kíkja í dagbókina sína! - þannig að þetta getur ekki klikkað!

Annars er búið að vera fullt hús hér í nokkra daga.. Klaus og Rasmus komu báðir heim í síðustu viku en það fer bara ótrúlega vel um okkur öll hérna. Við Klaus verðum svo ein í kotinu frá og með morgundeginum og þar til hann fer til Afríku á sunnudaginn..það verður ágætt að fá að vera útaf fyrir okkur í nokkra daga ;) Svo kemur fjölskyldan öll heim aftur um miðja næstu viku. Ég fæ því góðan frið til að læra í nokkra daga - ekki veitir af.

Ekki meira að frétta héðan.. hvað með ykkur? það væri nú gaman að fá stundum fleiri komment en bara frá mömmu sinni, ha? - en takk samt elsku mamma!! ;)

sd

2007-05-11T23:35:00.000+02:00

alveg tóm í hausnum..

Lúðinn ég gleymdi að kjósa!! Hef svo sem aldrei verið þekkt fyrir að kjósa gáfulega þannig að það er enginn svaka missir af atkvæðinu mínu... ;)

sd

2007-05-04T10:57:00.000+02:00

Lúxus líf..

ég verð nú að segja að það fer voðalega vel um mig hérna hjá Mie og krökkunum. Ég hélt fyrst að ég þyrfti að hanga tímunum saman á skólabókasafninu og læra því það væri ómögulegt að einbeita sér hér með fullt hús af fólki... En það er sko munur á 4ra og 2ja herbergja íbúðum. Hér get ég bara lokað að mér og verið í friði að læra. Hér er alvöru skrifboð og þægilegur stóll í stillanlegri hæð.. Í hinum íbúðunum okkar var alltaf opið á milli svefnherbergis og stofu þannig að við skötuhjúin vorum einhvern veginn alltaf ofan í hvort öðru og því erfitt að einbeita sér... og ég hef aldrei komið því í verk að kaupa mér almennilega skrifborðsstól og notaði alltaf bara ferlega óþægilegan IKEA klappstól við alltof hátt borðstofuborð - alls ekki gott fyir kroppinn til lengri tíma!!
Og svo er það besta - BAÐHERBERGIÐ!! Ég þarf ekki að standa í þrengslum á milli klósettsins og vasksins þegar ég fer í sturtu!! Neheits, það er sko alvöru sturta, hiti í gólfinu, þarf ekki að skafa gólf og veggi eftirá og hægt að hafa snyrtidót, handklæði og wc pappír þar inni án þess að allt drukkni þegar einhver fer í sturtu! Er þetta ekki yndislegt?? ;) Ég þarf ekki að panta þvottatíma með fyrirfara og það er uppþvottavél í eldhúsinu!!! :) Úr herberginu okkar er hurð útí garð og hér er hátíð hjá krökkunum þegar ég elda þar sem mamma þeirra er sérstaklega mislukkuð í eldhúsinu.. ég hef sjaldan fundið fyrir jafn miklu þakklæti fyrir meðalhæfni mína í eldhúsinu eins og hér á Kongedybet 11. :)

Nú erum við Klaus komin í klípu því héðan í frá sætti ég mig ekki við neitt annað en allar þessar bráðnauðsynjar á okkar næsta heimili!!! ;)

sd

2007-05-01T17:35:00.000+02:00

Flutt inná ættingjana..

jamms.. við fluttum okkur niður um fjórar hæðir um helgina inná Mie og krakkana. Og í gær stakk Klaus af til USA og verður fram í miðja næstu viku. En það fer nú bara ágætlega um mig hérna og Mie er dauðfegin að fá smá félagsskap meðan Rasmus er í Afganistan og fá einhvern til þess að leysa hana af í eldamennskunni stöku sinnum. Reyndar er von á Rasmus heim í 3ja vikna leyfi í næstu viku.. þá verður kannski soldið þröngt hjá okkur ;) En familían ætlar reyndar að ferðast slatta á meðan hann er heima þannig að ég verð kannski bara ein í kotinu þegar Klaus fer til Afríku í lok maí..

En hjá mér er bara allt brjál að gera í skólanum. Ég finn svo sannarlega fyrir 2ja vikna skrópinu mínu núna og það er hópverkefnavinna í hverri viku út þennan fjórðung. Það kemur sér semsagt ágætlega að vera laus við kærastann nánast allan maí mánuð! ;) Æi ég sakna hans nú samt mjög mikið þegar hann er á þessum þvælingi!

Annars er lítið annað að frétta.. Erum reyndar búin að panta flug á Heimsmeistaramót kaffibarþjóna í ár sem er haldið í Tokyo!! Vííí..hvað það verður spennandi - samt ekki fyrir peningabudduna þar sem ég þarf núna í fyrsta skipti að borga allt sjálf :( Hingað til hafa Kaffitár og Estate Coffee styrkt mig til heimsmeistaramóts ferðanna en þar sem ég vinn víst hvergi núna þá verð ég bara að sjá um þetta sjálf.. kræst hvað er búið að spilla manni!! ;) og núna er ég bara alls ekkert viss hvort ég hafi efni á að koma heim til Íslands í sumar.. :( Var að fatta að ég lét skipta námlánunum niður í 9 greiðslur í stað 10 þannig að ég er algjörlega á kúpunni næstu þrjá mánuði með enga innkomu og enga vinnu!!! Úpps!! Voðalega getur maður verið utan við sig stundum!!

meira seinna..

sd

2007-04-24T22:37:00.000+02:00

Hvar á ég að byrja?..

Það náttúrulega gengur ekki að láta svona langt líða á milli blogga! Það er búið að vera nóg að gera skal ég segja ykkur..

Páskafríið var voðalega notalegt á Vestur Jótlandi.. ég fékk að sjálfsögðu sent íslenskt páskaegg frá ma&pa ásamt meiru íslensku góðgæti. Reyndar lagðist Klaus í flensu pákahelgina.. og þá ekki slæmt að hafa mömmu sína til að hugsa um sig!! ;) Þessir karlmenn geta nú breyst í svoddan smábörn þegar þeir komast á hótel mömmu...
--
Þegar við komum tilbaka helltist flensan hinsvegar yfir mig, auðvitað daginn áður en við flugum til Íslands :( Ferlega var það svekkjandi... Ég var semsagt heima í nokkra daga að dæma á Íslandsmóti kaffibarþjóna en náði eiginlega ekki að hitta neina :( Reyndi að hvíla mig sem mest á milli þess sem við vorum að dæma uppí MK. Imma frá Kaffitár varð Íslandsmeistari annað árið í röð.. stóð sig hrikalega vel stelpan! Svo var auðvitað fínasta partý um kvöldið 'a la íslenskir kaffibarþjónar'
Svaka stuð í Saltfélaginu..

???

Elfa og Imma

Morgunin eftir var okkur svo boðið í dýrindis brunch í Efstasundinu þar sem við hittum Mömmu, pabba, Hödda, Snæju, Frikka, Daníel, Jóhannes, Ragnheiði og auðvitað hundana þrjá... Það var gott að sjá allavega einhverja úr fjölskyldunni é þessasri stuttu ferð.

Svo komum við heim til Köben.. Klaus fór til Þýskalands daginn eftir, ég kíkti einn dag í skólann og hitti svo Klaus í Barcelona næsta dag. Ó hvað það var yndislegt að koma þangað aftur.. Skil ekkert af hverju ég lét svona langan tíma líða síðan ég fór síðast. Ég var mætt hálfum degi á undan Klaus þannig að ég skellti mér í heimsókn til Höllu, Arnars og Uglu. Halla var á leiðinni til Amsterdam strax morguninn eftir þannig að ég var heppin á ná á þeim öllum saman..

Mér var boðið í mat og Arnar galdraði fram dýrindis fiskisúpu og við kjöftuðum fram eftir kvöldi... Það besta var samt að það var eins og við hefðum hist í gær síðast! Það er svo frábært þegar maður getur treysta á að vináttan breytist ekkert þó að langt líði á milli hittinga!! :)

En við vorum fyrst og fremst í Barcelona til að útbúa kaffidrykki fyrir stóran Philips fund. Í einn og hálfan daga hömuðumst við á espressóvélinni þegar ca. 300 manns frá Philips voru í pásum frá löngum og ströngum fundarhöldum um markaðsmál. Þetta var allt haldið á Hilton hótelinu við ströndina þannig að það fór voðalega vel um okkur..
Á kvöldin reyndum við svo að túristast aðeins (1sta skipti Klaus í Bcn) og borða góðan spænskan mat.. ;)
Mætt niðrí bæ..

Ummmm..tróðumst hér inn og fengum okkur Cava og Tapas..

Á þakinu á Casa Milá..

Meiri Tapas.. ;)

Á Íslandi kynntumst við Chiöru sem er spænski kaffibarþjónameistarinn. Hún var komin til Íslands til að læra meira... Við kíktum auðvitað á hana í Barcelona og við fórum með henni til brennslumeistarans hennar sem á mjög kósí kaffibrennslu ekki svo langt frá þar sem ég bjó seinni veturinn minn þar. Hafði oft labbað þarna fram hjá en vissi náttúrulega EKKERT um kaffi þegar ég bjó í Bcn.

Chiara (frá vinstri), Klaus og Salvador brennslumeistari..

Við komum heim seint á föstudagskvöld og strax morguninn eftir tók við Danska kaffibarþjónamótið. Ég var að dæma þar bæði lau og sunnudag og Lene Hyldahl frá Álaborg bar sigur úr býtum. Hún stóð sig hrikalega vel og þetta er í fyrsta skipti sem sigurvegarinn hér er kona og ekki frá Kaupmannahafnarsvæðinu.. kominn tími til!

Jæja.. þetta verður að duga í bili. Vegna allra þessara ferðalaga þá er auðvitað lesefnið fyrir skólann búið að hrúgast upp hjá mér.. verð að vera dugleg næstu vikurnar!! Wish me luck!! ;)

sd

2007-04-03T09:54:00.000+02:00

Í Páskafríi..

Þetta er nú búið að vera hálfgert letilíf hérna eftir að prófunum lauk. Ég þurfti nú smástund líka til að komast uppúr bömmernum eftir prófin.. Ég var nefnilega að vonast til þess að ég kæmist í gegnum fyrra prófið þó svo að ég hafi legið í flensu tvo síðustu dagana fyrir prófið. Hélt að ég væri kannski samt búin að læra alveg nóg..Það var nú fullmikil bjartsýni!! Ég skilaði því bara inn auðu, nennti ekki að rembast við eitthvað þarna í fjóra tíma sem ég vissi að ég gæti ekki og fór því heim að læra fyrir næsta próf. Það var munnlegt.. ekki mitt uppáhalds. Var algjör taugahrúga þarna inni, stamaði og talaði á tvöföldum hraða til skiptis... en fékk fínustu einkunn, hjúkk it!! Ég fann nú samt ekki fyrir sama létti og vanalega þegar þetta var búið því það bíður mín náttúrulega upptökupróf í ágúst..glatað!! ég er ferlega svekkt út í þessa fjandans flensu!

Núna hangi ég nánast allan daginn á netinu að reyna að finna húsnæði að flytja inní eftir tæpan mánuð!! Gengur ekki neitt :( Ég svara fullt af auglýsingum en fæ engin svör. Það hafa nú samt tveir svarað okkar auglýsingu!! Annar bauð okkur 30fm íbúð á ca. 60.000 ískr og hinn bauð íbúð í Árósum!! Hvað er að þessu liði???

Kræst hvað ég get pirrað mig mikið yfir þessu! ;) En allavega..nóg af nöldrinu!

Á fimmtudagskvöldið keyrum við með Mie til Jótlands og þar verður væntanlega tekið á móti okkur með yndislegum aldönskum sveitamat :) Komum svo tilbaka á mánudaginn og ég kíki einn dag í skólann áður en við komum til Íslands á Kaffibarþjónamótið - JEIIII!!

Daginn eftir að við komum þaðan fer Klaus beint til Þýskalands í 1-2 daga og þaðan beint til Barcelona. Og hver fer að hitta hann þar???? ÉG!!!! :) Þegar Klaus byrjaði að vinna svona mikið fyrir Philips þá sögðu þeir að ég mætti nú einhvern tímann koma með og þegar ég heyrði að hann væri að fara til BCN þá bað ég hann pent um að minna þá á þetta loforð ;) Ég fæ semsagt að koma með sem 'aðstoðarmaður'.. Veit nú ekki alveg hvað þetta kemur til með að þýða..hvort ég verð föst inná einhverri söluráðstefnu allan tímann eða hvað?? Við höfum allavega tvö kvöld laus og mestallan föstudaginn... það verður æði að koma þangað aftur þótt það verði stutt :)

ta ta..

sd

2007-03-27T22:40:00.000+02:00

Enn eitt krílið á afmæli í dag!!

jamms og allt sömu megin í fjölskyldunni.. Hann Nökkvi litli, Sunnu og HJÖRVARSsonur (hint frá Gunna!!) er eins árs í dag!! ;) Ég fann því miður enga mynd.. en hann er mikið augnayndi trúiði mér! :) Bestu afmæliskveðjur til stórfjölskyldunnar á Ósi!

Annars er próf á morgun líka... og svo páskafrí VÍíÍí!! ;)

og var ég nokkuð búin að nefna 'vinnu'ferðina til Barcelona í apríl?

;)